26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Սխալ հրամանների պատճառով զոհերի մեծ քանակ ենք ունեցել. զոհվածի հայր. ՏԵՍԱՆՅՈՒԹ
Հասարակություն
11.01.2021 | 12:19
Պատերազմին մասնակցած զինծառայողների ծնողներն ակցիան են իրականացնում ՔԿ զինվորական քննչական գլխավոր վարչության մոտ: Պատերազմում զոհված զինծառայող Մխիթար Մխիթարյանի հայրը՝ Գարիկ Մխիթարյանը, լրագրողների հետ զրույցում նշեց, որ իր որդին զոհվել է հոկտեմբերի 6-ին, նրա մարմինն իրենց ուժերով, իրենց ունեցած տվյալներով, գտել են, բերելել են ու հողին հանձնել:
Նա նաև տեղեկացրեց, որ նոյեմբերի 2-ին հանցագործությունների մասին հայտարարություն են տվել. «Բարձրաստիճան պաշտոնյաներ, գեներալներ, վաշտի հրամանատարաներ,գումարտակի հրամանատարներ կան, որոնք պետք է պատասխանատվության ենթարկվեն… Միտում չեմ տեսնում գործերի քննությունը ձգձգելու, ինձ թվում է գործերի քանակն է շատ: Մեզ ասացին, որ գործերն առաջ են գնում, կան հարցաքննվածներ»:
Գարիկ Մխիթարյանի խոսքով՝ ծնողները չէ, որ պետք է գնան, տվյալներ հավաքեն, տան Քննչական կոմիտեին, այլ քննչական մարմիններն իրենց աշխատանքը պետք է կատարեն:
«Երեխաներին հրամաններով տարել են սխալ ուղղություններով, սխալ հրամանների պատճառով զոհերի մեծ թիվ ունենք: Զինվորների շուրջ 40-50 տոկոսը զոհված կամ վիրավոր է, մյուսներն էլ հաշմանդամություն ունեն: Այսօր էլ հոգեպես, բարոյապես ճնշված երեխաներին տանում են Արցախ: Վիրավորներին ևս, էնքան, որ ոտքի են կանգնում, միանգամից սահման են տանում»,- ընդգծեց Մխիթարյանը:
Մանրամասները՝ տեսանյութում:
