30.06.2026 | 16:35
Վարչապետն ընդունել է Վրաստանի ՆԳ նախարարին
Արտակարգ դեպք Երևանի մետրոյում. ուղևորներին տարհանել են
08.01.2021 | 20:37
Երևանի մետրոպոլիտենն այս պահին աշխատում է ուշացումներով։ Շուրջ կես ժամ քաղաքացիներն ստիպված են եղել «Հանրապետության հրապարակ» կայարանում սպասել գնացքի ժամանմանը, ապա «Սասունցի Դավիթ» կայարանում իջեցրել են դեպի «Շենգավիթ» կայարան մեկնող ուղևորներին։
«Վթար է տեղի ունեցել, գնացքը էդ ուղղությամբ չի շարժվում»,- քաղաքացիների հարցերին ի պատասխան կցկտուր արձագանքում են մետրոյի աշխատակիցները։
Երևանի մետրոպոլիտենի մամուլի խոսնակ Տաթև Խաչատրյանը Factor.am-ին հայտնեց, որ տեխնիկական խնդիրներ են առաջացել, մասնագետները փորձում են պարզել պատճառները։
«Անցել ենք մեկ գծային երկկողմանի երթևեկության՝ «Գարեգին Նժդեհ» կայարանից դեպի «Սասունցի Դավիթ» կայարանի ուղեհատվածում», – ասաց խոսնակը։
Նրա փոխանցմամբ՝ տուժած աշխատակիցներ և ուղևորներ չկան։ Բոլորը տարհանվել են։
