08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Արտաշատ քաղաքում երկհարկանի տուն է այրվել. տան բնակիչը տեղափոխվել է հիվանդանոց
07.01.2021 | 13:04
Հունվարի 5-ին, ժամը 21։31-ին Արարատի մարզային ճգնաժամային կառավարման կենտրոն ահազանգ է ստացվել, որ Արտաշատ քաղաքի Ս. Հակոբյան փողոցում այրվում է տուն:
ԱԻՆ-ից հայտնում են, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրդեհը մեկուսացվել է ժամը 21:53-ին, մարվել` 22:55-ին:
Այրվել է երկհարկանի տան պատշգամբի մոտ 2 քմ հատվածում կուտակած աղբը, ննջասենյակը՝ գույքով (մոտ 40 քմ), փայտե երկու դուռ եւ երկու պատուհան:
Հրդեհի հետեւանքով աջ դաստակի այրվածքներ է ստացել տան բնակիչը, ով հոսպիտալացվել է Մասիսի ԲԿ, որտեղ ստանալով համապատասխան բուժօգնություն` դուրս է գրվել:
