Լիանա Աթայանն արդեն մեկ տարի է՝ Ասկերանի շրջանից գալիս է Ստեփանակերտ, կարկանդակներ ու ժենգյալով հաց է թխում և վաճառում: Սակայն կորոնավիրուսով պայմանավորված քիչ վաճառքին հաջորդեց պատերազմը։
Պատերազմի առաջին իսկ օրից իր փոքրիկ կրպակը փակ է եղել, ինքն էլ տեղափոխվել է Երևան։ Արդեն մոտ 1 ամիս է վերադարձել է՝ ամբողջ ընտանիքով՝ չնայած կենցաղային վատ պայմաններին ու տների ոչ բարեկարգ վիճակին:
Նոյեմբերի 26-ից կրկին փոքրիկ կրպակը բացել է, կորոնավիրուսով վարակվելու վախը սրտում է, բայց ապրել է պետք։ Լիանա Աթայանն ասում է՝ առողջական խնդիրներ ունի, չգիտի եթե հանկարծ վարակվի, ինչ է անելու։ Տանը տարեցներ էլ կան, իրենց կյանքի համար էլ է վախենում:
Հետպատերազմական Արցախում, որտեղ դեռ տարածվում է կորոնավիրուսը, Աթայան Լիանան չգիտի՝ արդյոք երկար կկարողանա՞ բաց պահել կրպակը։
Հոկտմբերի 1-ից դեկտեմբերի 21-ը Արցախում իրականացվել է 2585 նմուշառում: Նոր կորոնավիրուսային վարակը հաստատվել է 1130 մարդու մոտ: Բժշկական կենտրոնում բուժում է ստանում 60 հիվանդ: Գրանցվել է մահվան 30 դեպք։
Մանրամասները՝ տեսանյութում։
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։
ԳՄՀԸ–ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում։
