20.12.2025 | 18:06
Ֆուտզալի միջազգային ընկերական մրցաշարի մասնակիցներից մեկը չի ժամանել Երևան
Հայաստանի և Ադրբեջանի սահմանապահ զորքերը տեղակայվում են նաև շփման գծի՝ Շուռնուխ բնակավայրին հարող տարածքում․ Սյունիքի մարզպետի կոչը
Քաղաքականություն
02.01.2021 | 21:54
Գորիս-Կապան ավտոճանապարհի 21 կիլոմետրանոց հատվածում, որը գտնվում է վիճելի տարածքում, շարունակվում են երկու կողմերի սահմանապահ զորքերի տեղակայման աշխատանքները։ Ըստ այդմ, Հայաստանի և Ադրբեջանի սահմանապահ զորքերն այս ընթացքում տեղակայվում են նաև շփման գծի Շուռնուխ բնակավայրին հարող տարածքում։ Այս մասին հայտնել է Սյունիքի մարզպետ Մելիքսեթ Պողոսյանը, տեղեկացնում է Սյունիքի մարզպետարանը։
«Գորիս-Կապան ավտոճանապարհի 21 կիլոմետրանոց հատվածում, որը գտնվում է վիճելի տարածքում, շարունակվում են երկու կողմերի սահմանապահ զորքերի տեղակայման աշխատանքները։
Ըստ այդմ, Հայաստանի և Ադրբեջանի սահմանապահ զորքերն այս ընթացքում տեղակայվում են նաև շփման գծի Շուռնուխ բնակավայրին հարող տարածքում։
Տեղի բնակչությանը կոչ ենք անում չտրվել որևէ սադրանքի՝ հնարավոր լարվածությունից խուսափելու համար:
ՀՀ զինված ուժերն ու հայ և ռուս սահամանապահ զորքերը լիովին տիրապետում են իրավիճակին»,- նշվում է հաղորդագրությունում։
Նշենք, որ ավելի վաղ Շուռնուխի գյուղապետ Հակոբ Արշակյանը ֆեյսբուքյան ուղիղ եթերով տեղեկացրել էր, որ ադրբեջանցիներն արդեն «պոստ» են դնում Շուռնուխում, մինչև ամսի 5-ը ժամանակ են տվել։
«Ամեն ինչ պրծավ, մնում է միայն այս համազգեստը հանենք: Գյուղի մեջ արդեն «պոստ» են ստեղծել, մինչեւ ամսի 5-ը ժամանակ են տվել, դրանից հետո այստեղ մի հոգի էլ պիտի չմնա, անասունն անցնի՝ իրենցն է, մարդն անցնի՝ իրենցն է»,- ասել է գյուղապետը։
