06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Հրդեհ Փարաքար գյուղում. «Թիվ 2» կանչով դեպքի վայր է մեկնել 6 մարտական հաշվարկ
31.12.2020 | 12:47
ՀՀ ԱԻն-ից տեղեկացնում են, որ դեկտեմբերի 31-ին, ժամը 05:27-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Արմավիրի մարզի Փարաքար գյուղում՝ Զվարթնոց օդանավակայանի խաչմերուկի մոտակայքում, փայտամշակման արտադրամասում։
Հրդեհի բարդության «Թիվ 2» կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։
Պարզվել է, որ հրդեհը բռնկվել է Փարաքար գյուղի Նաիրի փողոցի տներից մեկին կից «Հարություն Գրիգորյան» ԱՁ-ին պատկանող փայտյա իրերի պատրաստման արհեստանոցում։
Հրդեհը մեկուսացվել է ժամը 06։10-ին, մարվել՝ 06։24-ին։ Այրվել են տանիքի փայտյա կառուցատարրերը (մոտ 10 քմ) և ներսում կուտակած թեփ (մոտ 2 խմ), ջերմահարվել՝ երկաթյա հաստոց։
