07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Պատճառ կա՞, որ աշխատանքից ազատվեմ. եթե իմ փոխարեն գա ոչ իրավաբան, արդյունավետ չի լինի. Նիկոլայ Բաղդասարյան. ՏԵՍԱՆՅՈՒԹ
Քաղաքականություն
25.12.2020 | 18:13
«Նախորդ իշխանության ժամանակ ՀՀ-ում կային արտոնյալ սուբյեկտներ, որոնք հեռախոսով կարողանում էին լուծել խնդիրներ՝ անձնական խնդիրներ՝ կապված բիզնեսի բանակի, ինստիտուտների ու դատարանների հետ: Այդ արտոնյալ խավի մեջ ներգրաված էին որոշ դատախազներ, փաստաբաններ, դատավորներ եկեղեցականններ, քաղաքական գործիչներ պաշտոնյաներ և այլն: Այդ արտոնյալ խավը կորցրել է իր իշխանությունը և հիմաուզում է վերականգնել իր իշխանությունը, բայց հասարակությունը հիշողություն ունի և հիշում է, թե նրանց իշխանությունն ինչ հետևանք է ունեցել: Դա է պատճառը, որ ժողովուրդը չի միանում նրանց»,- այս մասին Factor.am-ի հետ զրույցում ասաց ԱԺ «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով դիտարկմանը, որ ընդդիմադիր 16+ ուժերը շարունակում են պայքարը՝ պահանջելով վարչապետ Նիկոլ Փաշինյանի և իշխանության հրաժարականը:
Պատգամավորի կարծիքով՝ այդ ուժերի ակցիաները գնալով մարելու են:
Ի՞նչն է Ձեզ պահում, որ մանդատը վայր չեք դնում կամ դուրս չեք գալիս «Իմ քայլը» խմբակցությունից: Այս հարցին ի պատասխան՝ Բաղդասարյանը նշեց. «Պատճառ կա՞որ ես աշխատանքից ազատվեմ. չկա պատճառ: Չկա արտառոց որևէ երևույթ, որի պատճառով ես մանդատը վայր դնեմ: Դա ամենևին չի նշանակում կառչած մնալ աթոռից: Որպես իրավաբանի՝ իմ աշխատանքը կարևոր է օրենսդիր մարմնում, և եթե իմ փոխարեն գա ոչ իրավաբան, արդյունավետ չի լինի»:
Մանրամասները՝ տեսանյութում:
