25.08.2026 | 11:30
Երևանում մեկնարկում է Անդրանիկ Հարոյանին նվիրված հուշամրցաշարը, կայացել է վիճակահանությունը
Նոյեմբերին բյուջե մուտք գործած հարկերն ու տուրքերը նվազել են 8,7%-ով
24.12.2020 | 15:17
Այս տարվա նոյեմբերին պետական բյուջե է մուտքագրվել շուրջ 107 միլիարդ 82 միլիոն դրամի հարկեր և պետական տուրքեր։ Այս մասին տեղեկանում ենք Պետական եկամուտների կոմիտեի հրապարակած տվյալներից։
Նախորդ տարվա նույն ամսին հարկային եկամուտներն ու պետական տուրքերը կազմել են շուրջ 117 միլիարդ 343 միլիոն դրամ։
Այսպիսով՝ այս տարվա նոյեմբերին նախորդ տարվա նույն ամսվա համեմատ հարկային եկամուտներն ու պետական տուրքերը նվազել են շուրջ 10 միլիարդ 261 միլիոն դրամով կամ 8,7 %-ով։
Պետական բյուջե հաշվեգրված շահութահարկն այս տարվա նոյեմբերին կազմել է 1 միլիարդ 263 միլիոն դրամ՝ նախորդ տարվա նույն ամսվա 783 միլիոն դրամի փոխարեն։ Այպիսով՝ այս տարվա նոյեմբերին շահութահարկի աճը կազմել է 480 միլիոն դրամ կամ 61 %:
Իսկ եկամտահարկը այս տարվա նոյեմբերին կազմել է 34 միլիարդ 351 միլիոն դրամ՝ նախորդ տարվա 34 միլիարդ 108 միլիոն դրամի փոխարեն։ Այսպիսով՝ այս տարվա նոյեմբերին, նախորդ տարվա նույն ամսվա համեմատ, եկամտահարկը ավելացել է շուրջ 243 միլիոն դրամով կամ 0,7 տոկոսով։
Ամփոփելով այս տարվա հունվար-նոյեմբեր ամիսները՝ արձանագրենք, որ, ընդհանուր առմամբ, պետական բյուջե է մուտքագրվել 1 տրիլիոն 221 միլիարդ 334 միլիոն դրամի հարկեր և պետական տուրքեր։ Նախորդ տարվա նույն ժամանակահատվածում այդ թիվը կազմել է 1 տրիլիոն 314 միլարդ 111 միլիոն։
Այսպիսով՝ այս տարվա առաջին 10 ամիսներին, նախորդ տարվա նույն ժամանակահատվածի համեմատ, հարկերն ու պետական տուրքերը նվազել են շուրջ 7 %-ով կամ 92,7 միլիարդ դրամով։
Անժելա Պողոսյան
