07.06.2026 | 09:11
Մենք ուզում ենք մնալ տարածաշրջանի ամենաժողովրդավար երկիրը. Նարեկ Կարապետյանը քվեարկեց. ՏԵՍԱՆՅՈՒԹ
Լեռնային Ղարաբաղի կարգավիճակի հարցը պահանջում է հավելյալ բանակցություններ․ Մատվիենկո․ ՏԵՍԱՆՅՈՒԹ
Քաղաքականություն
24.12.2020 | 15:06
Ռուսաստանը Լեռնային Ղարաբաղի կարգավիճակի որոշման հարցում ակնկալում է միջազգային հանրության ջանքերը։ Այս մասին լրագրողներին հայտնել է ՌԴ Դաշնային խորհրդի նախագահ Վալենտինա Մատվիենկոն։
«Լեռնային Ղարաբաղի կարգավիճակի հարցը պահանջում է հավելյալ բանակցություններ։ Մենք անկասկած ակնկալում ենք ԵԱՀԿ ՄԽ՝ Ֆրանսիայի և ԱՄՆ-ի համանախագահների ու այլ պետությունների ջանքերը, որոնք ներգրավված են Լեռնային Ղարաբաղում կարգավորման գործընթացին։ Դեռևս շատ բարդ աշխատանք է սպասվում, սակայն կարևորը ձեռք է բերվել, ձեռք է բերվել այն միջազգային փաստաթղթերի իրականացումը, որոնցով Ադրբեջանին վերադարձվել են այն տարածքները, որոնք պատկանում էին իրեն․․․ Սա խոսում է այն մասին, որ Ռուսաստանը գլխավոր դերակատարություն է ունեցել»,- ասել է Մատվիենկոն։
Նրա խոսքով՝ ռուսական կողմը թույլ չի տվել հակամարտության հետագա սրում ու նոր մարդկային զոհեր։
«Դա չափազանց բարդ համաձայնագիր էր, դրա ձեռքբերումը չափազանց բարդ է եղել․․․ Այսօր հենց ռուս խաղաղապահներն են հակամարտության գոտում պահպանում համաձայնագիրը, թույլ չեն տալիս այն խախտել, թույլ չեն տալիս զինված բախումների վերադառնալ, նպաստում են խաղաղ կյանքի հարթմանը»,- հավելել է Մատվիենկոն։
Տաթև Ֆռանգյան
