19.01.2026 | 12:16
Եթե ոչ դատվել, գոնե այդ պաշտոնից պետք է ազատվեիր. Ազատի կացարանում զոհված զինվորի հայրը՝ Պապիկյանին․ ՏԵՍԱՆՅՈՒԹ
Ռազմական գործողություններին մասնակցած անձինք ավելորդ քաշքշուկների մեջ չպիտի ընկնեն․ Կառավարությունը քննարկում է ՃՈ տուգանքների համաներման հարցը. ՏԵՍԱՆՅՈՒԹ
Հասարակություն
24.12.2020 | 11:39
Կառավարությունը հավանություն տվեց որոշման նախագծին, որով չեղարկվում են Ադրբեջանի կողմից սանձազերծված ռազմական գործողությունների հետևանքով ՀՀ և Արցախի քաղաքացիների կողմից սեպտեմբերի 27-ից մինչեւ դեկտեմբերի 27-ը Ճանապարհային երթևեկության անվտանգության բնագավառի օրենսդրության մի շարք հոդվածների խախտումների համար սահմանված վարչական տույժերը:
Փոխոստիկանապետ Արա Ֆիդանյանը նշեց, որ առաջարկվում է 2 կարգավորում: «Առաջինը մի շարք խախտումների համար կիրառված վարչական տույժերի համաներման մասին օրենքի ընդունումն է, որի նախագիծն արդեն պատրաստ է: Երկրորդ կարգավորումն այն է, որ Վարչական իրավախախտումների մասին օրենսգրքում արդեն իսկ առկա հոդված 17-ով կարգավորվող ծայրահեղ անհրաժեշտությամբ պայմանավորված կիրառումն է: Դրա դրույթները կարող ենք կիրառել այս դեպքում: Այս երկու տարբերակներից որն էլ կիրառելի լինի, պատրաստ ենք դրա կատարմանը»,- ասաց նա:
ՀՀ վարչապետ Նիկոլ Փաշինյանն իր հերթին նշեց, որ երկու օր առաջ Գորայք համայնքում քաղաքացիներից մեկը հարց է բարձրացրել, որ պատերազմի մասնակիցների երթևեկության հետ կապված տուգանքներ են գալիս, այն պարագայում, երբ ծայրահեղ անհրաժեշտությունից կախված երթևեկության կանոնների խախտումներ են տեղի ունեցել: «Մենք արագ արձագանքում ենք: Մենք բախվելու ենք մի խնդրի հետ, որ ցավոք սրտի նման որոշումների ընդունման պարագայում միշտ էլ լինում են դեպքեր, երբ տվյալ արտոնության շահառու չհանդիսացող անձինք փորձում են օգտվել դրանից: Մենք պետք է կարողանանք շատ արագ ռազմական գործողությունների մասնակիցներին նույնականացնել ու դա պաշտոնապես հաստատել: Կարևոր է, որ ՊՆ-ն մաքսիմալ արդյունավետ ու արագ գործի: Այս համատեքստում պետք է մտածենք նաև կամավորականների մասին՝ նրանց վերաբերյալ նույնպես ինչ-որ որոշում կայացնելու համար»,- ասաց վարչապետը:
