16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Երևանի ավագանին հաստատեց մայրաքաղաքի 2021 թվականի բյուջեն
Տնտեսություն
23.12.2020 | 14:46
Երևանի ավագանին այսօրվա նիստում հաստատեց մայրաքաղաքի 2021 թվականի բյուջեն: Որոշումն ընդունվեց միաձայն՝ 34 կողմ ձայնով:
Երևանի 2021 թվականի բյուջեում նախատեսվում է եկամուտների գծով 92 մլրդ 420 մլն 288 հազար 700 դրամ, ծախսերի գծով՝ 100 մլրդ 776 մլն 765 հազար 500 դրամ, իսկ դեֆիցիտը (պակասուրդը) կկազմի 8 մլրդ 356 մլն 476 հազար 800 դրամ։ Այս մասին տեղեկացրեց զեկուցող, քաղաքապետի տեղակալ Սերգեյ Ներսիսյանը:
Նա նաև ընդգծեց, որ Երևան քաղաքի 2021 թվականի պարգևավճարների ֆոնդը կազմելու է 1 մլրդ 23 մլն դրամ՝ շուրջ 49%-ով պակաս ընթացիկ տարվանից։
Իսկ «Ասիական բանկի աջակցությամբ իրականացվող քաղաքային ենթակառուցվածքների և քաղաքի կայուն զարգացման ներդրումային երկրորդ ծրագրի համակարգում և կառավարում (պատվիրակված լիազորություններ)» ծրագրի իրականացման համար Երևան քաղաքի 2021 թվականի բյուջեի վարչական մասի պահուստային ֆոնդից կհատկացվի 5 մլրդ 897 մլն 083 հազար դրամ։
Քաղաքապետի տեղակալ Սերգեյ Ներսիսյանը ընդգծեց նաև, որ հունվարի 1-ից ուժի մեջ են մտնում գույքահարկի մասին օրենքի փոփոխությունները, որոնցով գույքահարկը բարձրանում է, դրա արդյունքում 2021 թվականի բյուջեում հարկային եկամուտները 2019-ի փաստացի հավաքագրված հարկային եկամուտներից ավելի են շուրջ 41 տոկոսով:
