08.10.2026 | 18:39
ՀՌՀ-ն հեռարձակողների հետ քննարկել է տեսալսողական բովանդակության նոր չափորոշիչները
Ռազմական գործողությունների ու քաղաքական պայմանավորվածության հետևանքով մինչև 40.000 անօթևան կա. Արտակ Բեգլարյան. ՏԵՍԱՆՅՈՒԹ
Հասարակություն
23.12.2020 | 11:27
Ռազմական գործողությունների ու քաղաքական պայմանավորվածության հետևանքով մինչև 40.000 անօթևան կա: Այս մասին այսօր հրավիրված ասուլիսում ասաց Արցախի ՄԻՊ Արտակ Բեգլարյանը:
«Նրանց մեծ մասն արդեն Արցախում է, աջաջնահերթ ունեն կացարանի և հոգեբանի խնդիր: Դեռևս ժամանակավոր կացարանի հարցը պետք է լուծել, այստեղ խնդիրներն ակնհայտորեն քիչ չեն, որից հետո բնակարանի հարց պետք է լուծել:
ԱՀ նախագահն էլ հայտարարել է, որ այդ անօթևան անձինք պետք է վերադառնան իրենց տները, այսինքն՝ պետք է հնարավորություն ստեղծվի քաղաքական լուծումներով այնպես անել, որ մեր բռնազավթված տարածքները վերադարձվեն իրենց տերերին, և նրանք կարողանան ապրել իրենց տներում: Բայց քանի որ անորոշությունները շատ են, և դա կարող է երկար ժամանակ տևել, պետք է պետությունը զուգահեռաբար լուծումներ տա… Տեղյակ եմ, որ այս ուղղությամբ աշխատանքներ իրականացվում են»,- նշեց Բեգլարյանը:
Հիշեցնենք՝ նախօրեին Արցախի ՄԻՊ Արտակ Բեգլարյանն աշխատանքից ազատման դիմում էր ներկայացրել։
Մանրամասները՝ տեսանյութում:
