14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
«Քեֆս գալիս ա, լյոխ եկել են»․ Ստեփանակերտում ակտիվ եռուզեռ է. ՏԵՍԱՆՅՈՒԹ
Հասարակություն
21.12.2020 | 19:47
Ըստ պաշտոնական վիճակագրության՝ Ստեփանակերտ է վերադարձել 40․000-ից ավելի արցախցի։ Փողոցներում ակտիվ երթևեկություն է, մարդկանց անդադար հոսք կա։
Factor TV-ի հետ զրույցում Ստեփանակերտի բնակիչ Իրինա Գրիգորյանն ասում է՝ նոյեմբերի 13-ին, երբ վերադարձավ, քաղաքը որբ ու դատարկ էր։ Մեկ շաբաթվա ընթացքում մարդկանց թիվը կտրուկ ավելացել է։
«Վերադարձը շատ արագ տեղի ունեցավ»,- նշում է Իրինա Գրիգորյանը։
Հարցին՝ ապահո՞վ են իրենց զգում, պատասխանում է՝ ապահովության առումով բան չի կարող ասել, բայց անորոշությունն է խեղդում մարդկանց։
Ստեփանակերտից Նելլի Խաչատրյանը մինչ պատերազմը բանջարեղեն էր վաճառում։ Արդեն 2 օր է՝ վերադարձել է իր գործին։ Ասում է՝ գնորդներ շատ կան․ «Հա, շատ մարդ կա, քեֆս գալիս ա, լյոխ եկել են»։
Իր տունը շատ չի ավերվել, միայն պատուհան չկա։ Հարցին՝ հարևաննե՞րն էլ են վերադարձել, պատասխանում է՝ այո՛, ամենաուշն ինքն է եկել։
Մանրամասները՝ տեսանյութում։
Իրինա Մկրտչյան
