08.10.2026 | 13:58
Եմենի հութիները հայտարարել են Էր-Ռիադի օդանավակայանին հարվածելու մասին․ երեք մարդ զոհվել է
Գորիսի քաղաքապետը հարուցված քրգործի շրջանակներում բերման է ենթարկվել
Հասարակություն
21.12.2020 | 10:15
Գորիսի քաղաքապետ Առուշ Առուշանյանը, հարուցված քրեական գործի շրջանակներում բերման է ենթարկվել և ներկայացվել նախաքննական մարմին՝ Քննչական կոմիտե:
Այս մասին Factor.am-ի հարցին ի պատասխան հայտնեցին ՀՀ ոստիկանությունից, սակայն այլ մանրամասներ չհայտնեցին։
Factor.am-ին իրավապահ համակարգի աղբյուրները փոխանցեցին, որ ՔԿ֊ում հարուցված երեք քրգործ կա, որով անցնում է Առուշանյանը, բայց նրան այս գործերի հետ ընդհանրապես առնչություն չունեցող գործի շրջանակներում են բերման ենթարկել։ ՔԿ֊ից փոխանցեցին, որ մանրամասներ կփոխանցեն ավելի ուշ։
Նշենք, որ Գորիսի քաղաքապետ Առուշան Առուշանյանը երեկ ֆեյսբուքի իր էջում գրառում էր արել՝ համաքաղաքացիներին կոչ անելով առավոտյան ժամը 06:00-ից միանալ իրենց ավտոերթին, շարժվել դեպի Սյունիքի դարպասներ և արգելել ՀՀ վարչապետ Նիկոլ Փաշինյանի մուտքը Սյունիք։
Չնայած Առուշանյանի բացակայությանը՝ Շինուհայր բնակավայրի մոտ վաղ առավոտից սկսվել է բողոքի ակցիա՝ Փաշինյանի այցը թույլ չտալու համար: Մի խումբ քաղաքացիներ փորձել են դուրս գալ գյուղից և արգելել Փաշինյանի մուտքը: Ոստիկանները, սակայն, փակել են նրանց ճանապարհը:
