19.01.2026 | 20:30
Քնում են մեքենայում, սպասում օրերով․ հայկական բազմաթիվ բեռնատարներ մնում են Վրաստանի և ՌԴ տարածքում. ՏԵՍԱՆՅՈՒԹ
4 ոսկե և 3 բրոնզե մեդալ՝ Վորոնինի գավաթի խաղարկությունից
20.12.2020 | 20:11
ԿԳՄՍ նախարարությունից տեղեկացնում են, որ Ռուսաստանի Պենզա քաղաքում կայացել է Օլիմպիական խաղերի չեմպիոն Միխայիլ Վորոնինի գավաթի 27-րդ խաղարկությունը, որտեղ Հայաստանը ներկայացրել են Եվրոպական խաղերի չեմպիոն Արթուր Դավթյանն ու Հայաստանի հավաքականի անդամ Արմեն Պետրոսյանը։
Արթուր Դավթյանը հիանալի է հանդես եկել թե՛ բազմամարտում, թե՛ առանձին գործիքների եզրափակիչներում՝ նվաճելով 4 ոսկե և 2 բրոնզե մեդալ, իսկ Արմեն Պետրոսյանը, որը բանակից զորացրվելուց հետո առաջին միջազգային մրցաշարին էր մասնակցում, նվաճել է 1 բրոնզե մեդալ։
Բազմամարտում Դավթյանն անգերազանցելի է եղել 82,899 միավորով և դարձել ոսկե մեդալակիր։ Առանձին վարժություններում նա գրանցել է հետևյալ արդյունքները՝
Ազատ վարժություն`13,600 միավոր,
Նժույգթափեր`14,000 միավոր,
Օղակներ` 14,166 միավոր,
Հենացատկ` 14,400 միավոր,
Զուգափայտ` 13,500 միավոր,
Պտտաձող` 13,233 միավոր:
Արդեն առանձին գործիքների եզրափակիչներում Արթուր Դավթյանը ոսկե մեդալակիր է դարձել նժույգթափերում, հենացատկում և ազատ վարժությունում։ Հայաստանի բազմակի չեմպիոնը երկու բրոնզե մեդալ էլ նվաճել է օղակների և պտտաձողի եզրափակիչներում, իսկ Արմեն Պետրոսյանը բրոնզե մեդալակիր է դարձել զուգափայտեր վարժությունում։
