27.06.2026 | 20:57
Էդուարդ Սպերցյանը կտեղափոխվի Սաուդյան Արաբիա. աղբյուր
5 օր է՝ 62 տղաներից լուր չունենք․ առանց նրանց չենք գնա․ Ազատանի բնակիչներն Արցախի նախագահականի դիմաց են գիշերում․ ՏԵՍԱՆՅՈՒԹ
Հասարակություն
18.12.2020 | 23:57
Արցախի Վերածննդի հրապարակում՝ նախագահականի և Կառավաության շենքի դիմաց արդեն հինգ օր է՝ գիշերում են Շիրակի մարզից եկած ծնողները։ Նրանց տեղեկություններով՝ իրենց տղաները գերեվարվել են։
Հրապարակում վառարան են տեղադրել, որ դիմանան ցրտին։ «Սա մեր վերջին խրամատն է»․ այսպիսի գրությամբ են ծնողները Ազատանից հասել Ստեփանակերտ։ Ասում են՝ առանց որդիների չեն հեռանա։
Վերջին անգամ տղաների հետ խոսել են դեկտեմբերի 11-ին, նրանք Լիսագորի սարերում են եղել։ Այդ օրվանից 62 տղաների հետ այլևս կապ չեն ունեցել։ Ծնողները ցանկացել են անձամբ գնալ այդ տարածքներ, սակայն թույլ չեն տվել։ Հանդիպել են ԱՀ նախագահ Արայիկ Հարությունյանի, Վիտալի Բալասանյանի և Ղարաբաղում ռուսական խաղաղապահ զորախմբի հրամանատար, գեներալ-լեյտենանտ Ռուստամ Մուրադովի հետ։
Տղաները գերեվարվե՞լ են, թե՞ ոչ։ Հարցի շուրջ տեղեկություններ ճշտելու նպատակով փորձեցինք կապ հաստատել Արցախի պաշտպանության նախարարության մամուլի պատասխանատու Սուրեն Սարումյանի հետ։ Մեր զանգերը, սակայն, անպատասխան մնացին։
Մանրամասները՝ տեսանյութում։
Իրինա Մկրտչյան
