08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Պատերազմի պատճառով տեղահանված և Հայաստանում Covid-ով հիվանդացած ամուսինները 10 օր սպասել են հոսպիտալացման. ՏԵՍԱՆՅՈՒԹ
Հասարակություն
16.12.2020 | 21:45
Պատերազմի առաջին օրերից սկսվեց արցախցիների հոսքը Հայաստան։ Պաշտոնական տվյալներով՝ պատերազմի 44 օրերի ընթացքում Հայաստան է տեղափոխվել 88․000-ից ավելի արցախցի։ Նրանց կեցության հարցը լրջագույն խնդիր էր՝ գործարանները, գրասենյակները, հյուրատները ևս դարձան կացարան։ Օրինակ, 35 հոգու համար նախատեսված հյուրատանը ապրում էր 200-ից ավելի արցախցի։ Սեպտեմբերի 28-ին ժամը 12:00-ին առաջին 21 արցախցին արդեն հյուրատանն էին, իսկ հոկտեմբերի 4-ին՝ արդեն 217 արցախցի։
Նրանց համար սնունդ, հագուստ և այլ անհրաժեշտ պարագաներ ապահովել են անհատներ ու կազմակերպություններ՝ Հայաստանից և Սփյուռքից։
Չուշացավ նաև կորոնավիրուսի առաջին դեպքի գրանցումը։ Առաջին վարակակիրը արցախցի Ռադիկ Յավրումյանն էր, որը խոցելի տարիքային խմբում էր։ Հետո վարակվեց նրա կինը, ապա՝ հյուրատան տնօրենը, մյուս արցախցիները։
Հիվանդությունը ծանր ընթացք է ունեցել առաջին վարակակրի ու կնոջ մոտ: Նրանց հոսպիտալացրել են ծայրահեղ ծանր վիճակում՝ 10 օր սպասելուց հետո։
Յավրումյան ամուսինների կյանքը փրկել հաջողվել է, սակայն մինչ հոսպիտալացումը անհրաժեշտ դեղորայքը բարերարների օգնությամբ են գնել։
Մանրամասները՝ տեսանյութում:
Իրինա Մկրտչյան
Տեսանյութը պատրաստվել է Տեղահանված և տեղի բնակչության տնտեսական և սոցիալական մասնակցություն ծրագրի շրջանակում՝ Գերմանական միջազգային համագործակցության ընկերության (ԳՄՀԸ) աջակցությամբ ու Գերմանայի Տնտեսական համագործակցության և զարգացման պետական նախարարության, Վրաստանի Զավթված տարածքների, ներքին տեղահանվածների աշխատանքային, առողջապահական և սոցիալական հարցերով նախարարության և «Դոյչէ Վելլե» ակադեմիայի հետ համագործակցության շրջանակում։
ԳՄՀԸ–ն չի կրում որևէ պարտավորություն կամ պատասխանատվություն տվյալ նյութի հստակության, իրավունակության և վստահելիության հարցում։
