06.10.2026 | 10:49
ՊԵԿ-ը քննարկել է հարկային և մաքսային բարեփոխումների հաջորդ փուլը
Դրամի արժեզրկումը շարունակվում է․ դոլարը թանկացել է 1․84 դրամով, եվրոն՝ 4 դրամով
Տնտեսություն
14.12.2020 | 17:18
Այսօր՝ դեկտեմբերի 14-ին ԱՄՆ դոլարի փոխարժեքը կազմել է 522.46 դրամ՝ նախորդ օրվա համեմատ աճելով 1.84 դրամով: Այս մասին տեղեկանում ենք Կենտրոնական բանկի պաշտոնական կայքից։
Եվրոյի փոխարժեքը կազմել է 635 դրամ՝ նախորդ օրվա համեմատ աճելով 4․06 դրամով։ Իսկ ռուբլին այսօր արժե 7․16 դրամ՝ նախորդ օրվա համեմատ աճ է գրանցել 0․05 դրամով։
Նշենք, որ դոլարի թանկացումն ու դրամի արժեզրկումը սկսվել է Լեռնային Ղարաբաղում պատերազմական գործողություններին ու Հայաստանում ռազմական դրություն հայտարարելուն զուգահեռ: Պատերազմի հետևանքով ստեղծված անկայուն իրավիճակը հանգեցրեց դոլարի պահանջարկի ավելացման ու դրամի արժեզրկման:
Եթե սեպտեմբերի 25-ին դոլարն արժեր շուրջ 485 դրամ, ապա սեպտեմբերի 29-ին այն հասավ 488 դրամի: Նոյեմբերի 10-ի դրությամբ՝ դոլարն արժեր 494 դրամ, որից հետո դոլարի վերելքն էլ ավելի մեծ թափ առավ՝ հասնելով 522 դրամի:
Կենտրոնական բանկը հայտարարություն տարածեց՝ նշելով, որ ՀՀ ֆինանսական շուկաների բնականոն գործունեության ապահովման նպատակով ԿԲ-ն ՀՀ արտարժութային շուկայում կիրականացնի գործառնություններ։ ԿԲ-ի այս հայտարարությունից հետո դոլարի փոխարժեքը փոքր-ինչ անկում գրանցեց՝ տատանվելով շուրջ 510 դրամի շրջանակում, սակայն վերջին օրերին կրկին բարձրացում է նկատվում։
