19.01.2026 | 18:23
Մայր Աթոռը մերժել է ԿԳՄՍՆ-ին տարածք տրամադրել հոգևոր երաժշտության փառատոնի համար․ Ազարյան․ ՏԵՍԱՆՅՈՒԹ
Կարին գյուղում որդին խեղդել է 84-ամյա մորը․ Աշտարակի ոստիկանների բացահայտումը
Հասարակություն
14.12.2020 | 15:00
ՀՀ ոստիկանությունից տեղեկացնում են, որ դեկտեմբերի 12-ին «Աշտարակ» բժշկական կենտրոնից շտապօգնության խումբ է մեկնել Արագածոտնի մարզի Կարին գյուղ։ Բուժխումբն արձանագրել է, որ 84-ամյա կինը մահացած է և տեղեկությունը փոխանցել է ոստիկանության Աշտարակի բաժին։
«Դեպքի վայր մեկնեցին օպերատիվ-քննչական խմբեր, փորձաքրեագետ ու դատաբժիշկ։ Իրավապահները տանը արնանման հետքեր հայտնաբերեցին։ Արնանման հետքեր կային նաև դիակի վրա։ Շուտով հայտնի դարձավ, որ տարեց կնոջը սպանել են։ Հարուցվեց քրեական գործ, որի շրջանակներում Աշտարակի քրեական հետախույզներն իրականացրին օպերատիվ միջոցառումներ՝ համագործակցելով այլ իրավապահ կառույցների ծառայողների հետ։ Համատեղ աշխատանքի արդյունքում փաստական տվյալներ ձեռք բերվեցին, որ թոշակառու կնոջը որդին ծեծել է, ապա խեղդել։ 50-ամյա տղամարդը հայտնաբերվեց ու կասկածանքով բերման ենթարկվեց ոստիկանության Աշտարակի բաժին, ապա ներկայացվեց տարածքային նախաքննական մարմնին՝ հարցաքննության։ Նա տվել է խոստովանական ցուցմունք ու ձերբակալվել։ Օպերատիվ-հետախուզական միջոցառումներն ու քննչական գործողությունները շարունակվում են դեպքի բոլոր հանգամանքները, ինչպես և շարժառիթը պարզելու նպատակով»,- ասված է հաղորդագրությունում:
