14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Մենք շատ շուտով սպասում ենք գերիների վերադարձի մեկնարկին. վարչապետ. ՏԵՍԱՆՅՈՒԹ
14.12.2020 | 12:33
Մոտեցել ենք գերիների վերադարձի գործընթացի մեկնարկին, շուտով սպասում ենք գերիների պաշտոնապես հաստատված խմբի վերադարձի մեկնարկին, «Քաղաքացու հետ զրույց»-ի ձևաչափով ուղիղ եթերի ժամանակ ասաց վարչապետ Նիկոլ Փաշինյանը՝ ավելացնելով, որ այս փուլում վերադարձվելու են այն գերիները, որոնց գերեվարված լինելու փաստը պաշտոնապես հաստատված է Ադրբեջանի և Կարմիր խաչի կողմից:
«Դրանից հետո ավելի շատ կկենտրոնանանք գտնվելու վայրն անհայտ մեր եղբայրների փնտրտուքի վրա, որոնց մի մասը, հնարավոր է, գերեվարված է», – ասաց Փաշինյանը:
Նրա խոսքով՝ նոր թափով պետք է տեղի ունենա նաև զոհվածների մարմինների փնտրտուքն ու չճանաչված մարմինների ճանաչման գործընթացը: Նա ընդգծեց, որ ամեն ինչ արվում է գործընթացն օր առաջ ավարտելու համար, բայց մինչև տարեվերջ չեն կարող այն ամբողջությամբ ավարտել:
Վարչապետը նաև ընդգծեց, որ գտնվելու վայրն անհայտ անձանց որոնողական աշխատանքների համար շատ կարևոր է ընդհանուր միջավայրի բարելավումը:
Մանրամասները՝ տեսանյութում:
