17.05.2026 | 16:12
Խափանում մետրոպոլիտենում․ այն կաշխատի մեկ գծանի երկկողմանի երթևեկությամբ
Նուռնուսում այրված վագոն-տնակում 65-ամյա տղամարդ է զոհվել
13.12.2020 | 18:44
Կոտայքի մարզային ճգնաժամային կառավարման կենտրոնը դեկտեմբերի 13-ին, ժամը 14։55-ին ահազանգ է ստացել, որ Նուռնուս գյուղի ամառանոցներում այրվում է վագոն-տնակ. ներսում կա քաղաքացի:
Ինչպես տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի երկու մարտական հաշվարկ։
Հրշեջ-փրկարարները հրդեհը մեկուսացրել են ժամը 15։55-ին, մարել՝ 16։36-ին։ Այրվել է գյուղի Զեյթուն թաղամասի վագոն-տնակներից մեկը (27 քմ):
Փրկարարները ներսում հայտնաբերել են Ավետիս Թ․-ի (ծնված 1955 թ.) դին:
