20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Պատրաստ ենք երկխոսության` պայմանով. Նիկոլ Փաշինյան. ՏԵՍԱՆՅՈՒԹ
Քաղաքականություն
09.12.2020 | 18:19
Այսօր Ազգային ժողովում հարցուպատասխանի ժամանակ անկախ պատգամավոր Արման Բաբաջանյանը, խոսելով «Հանուն Հանրապետության» կուսակցության անունից, նշեց, որ պահանջում են արտահերթ ընտրություններ։
Պատգամավորը նաև հարց ուղղեց վարչապետին․ «Չե՞ք կարծում, որ դուք պետք է նախաձեռնեք բոլոր շահագրգիռ կողմերի, այդ թվում խորհրդարանում և խորհրդարանից դուրս Ձեր հրաժարականը պահանջող քաղաքական միավորների հետ։ Խոսելու և հաշտության, համերաշխության մթնոլորտը ձևավորելու համար»։
Փաշինյանը, անդրադառնալով արտահերթ ընտրությունների պահանջին, նշեց, որ արտահերթ ընտրությունների մասին լրջորեն կխոսեն այն ժամանակ, երբ պարզվի և արձանագրվի, որ հարկադրելու ռեսուրս ժողովրդի կողմից ընտրած կառավարությանը ուղղակի գոյություն չունի․ «Որևէ քաղաքական ուժ, խմբակ չի կարող Հայաստանի ժողովրդին և ժողովրդի կողմից ընտրված կառավարությանը հարկադրել։ Հիմա դա, ըստ էության, ակնհայտ է։ Ժողովրդի իշխանությունը պետք է պահպանվի և պաշտպանվի»։
Ինչ վերաբերում է երկխոսությանը պատրաստ լինելու վերաբերյալ հարցին, Փաշինյանը նշեց, որ պատրատ են, սակայն 1 պայմանով․ սպառնալիքի լեզվով որևէ խոսակցություն բացառվում է։
Մանրամասները՝ տեսանյութում։
