«Թանկացումների առթիվ լռելով՝ ընդդիմադիր մյուս ուժերը «Ելք»-ին շնորհում են միակ ընդդիմադիրի տիտղոսը»․ Արմեն Բաղդասարյան

Լուրեր

24.04.2018 | 00:05
Համաժողովրդական շարժումը հաղթեց. Սերժ Սարգսյանի վերջին քմծիծաղը քաղաքականությունում. ՏԵՍԱՀՈԼՈՎԱԿ
23.04.2018 | 22:12
Մինսկի խումբը կոչ է անում ԼՂ հակամարտության կողմերին ծանր հրետանին հետ քաշել առաջնագծից
23.04.2018 | 22:00
Համաժողովրդական տոնը՝ թռչնի թռիչքի բարձրությունից. ՏԵՍԱՀՈԼՈՎԱԿ
23.04.2018 | 21:53
Խանութներում սպառվել է շամպայնը. ժողովուրդը հաղթանակն է նշում. ՏԵՍԱՆՅՈՒԹ
23.04.2018 | 21:48
Հայաստանում այս պահից սկսած հաստատվելու է օրինականության, հավասարության, եղբայրության և ազգային միասնականության մթնոլորտ. Նիկոլ Փաշինյան
23.04.2018 | 20:25
Բարձր ենք գնահատում շարժման կազմակերպիչների անձնազոհ գործողությունները, որը հեռանկար է բացում երկրում ժողովրդավարության. ՀԴԿ
23.04.2018 | 20:10
Ինչպես են քաղաքացիները տոնում Սերժ Սարգսյանի հրաժարականը. ՏԵՍԱՆՅՈՒԹ
23.04.2018 | 20:04
Մեր հարևան պետությունը թող հասկանա, որ էս ժողովուրդը բաց ձեռքերով, եթե սենց բաներ ա անում, հանկարծ զենք վերցրեց ձեռքը ինչեր կանի. Հայկ Մարության. ՏԵՍԱՆՅՈՒԹ
23.04.2018 | 19:56
Նիկոլ Փաշինյանի մուտքը Հանրապետության հրապարակ. ՏԵՍԱՆՅՈՒԹ
23.04.2018 | 19:45
Բաց ձեռքերով հաղթանակած ժողովուրդը, ծափահարում ու ցնծում է Հանրապետության հրապարակում. ՏԵՍԱՆՅՈՒԹ
23.04.2018 | 19:40
Հայաստա՛ն, Ռուսաստանը միշտ քեզ հետ է. Մարիա Զախարովա
23.04.2018 | 19:32
Նախագահ Սարգսյանը և դեսպան Միլսը համաձայնել են, որ բովանդակալից հանգուցալուծման հասնելու միակ ճանապարհը բարեխիղճ քաղաքական երկխոսությունն է
23.04.2018 | 19:24
«Ելել եմ, գտել եմ ժպիտս». իր քայլն արած Երևանը ժպտում է. ՏԵՍԱՆՅՈՒԹԵՐ
23.04.2018 | 19:21
Ես այսօր վերջնականապես համոզվեցի, որ Հայաստանը մեծ ապագա ունի. Միխեիլ Սաակաշվիլիի տեսաուղերձը
23.04.2018 | 19:07
Հայաստանում կայացավ «Թավշյա հեղափոխությունը». միջազգային ԶԼՄ-ների արձագանքը
Բոլորը

Քաղաքագետ Արմեն Բաղդասարյանը Factor.am-ի հետ զրույցում բացառում է սոցիալական բունտը՝ սպասվող թանկացումների ֆոնին։ «Հայաստանում սոցիալական բունտ չի եղել անգամ այն ժամանակ, երբ մարդիկ շատ վատ էին ապրում և 2 ժամ էին լույս ունենում։ Մեր ժողովուրդը սոցիալական բունտ չի անում, քվեարկում է ոտքերով, արտագաղթում է»,- ասաց քաղաքագետը։

Մեր դիտարկմանը, թե իր նշած ժամանակահատվածում պատերազմ էր, Արմեն Բաղդասարյանն ասաց, որ մեր ժողովուրդը սովոր է բողոքել խոհանոցներում, բակերում, բայց սոցիալական բունտ չի անի։ «Մյուս կողմից՝ ժողովուրդը բազմիցս դուրս է եկել փողոց, օրինակ՞ Մարտի 1-ին, իշխանությունները 10 մարդու կյանք են խլել։ Գնալով մեր հասարակությունը պառակտվում, թուլանում է»,- նշեց քաղաքագետը։

Այն, որ թանկացումների դեմ երթի հրավիրող «Ելք» դաշինքը կկարողանա հարկային օրենսգրքում փոփոխություններ իրականացնել, Արմեն Բաղդասարյանի համար «չնչին» հավանականություն ունի:

««Ելք» դաշինքը չի կարողանալու կանխել գնաճը, իրենք էլ հասկանում են, որ գները ձևավորվում են այլ մեխանիզմով։ Քաղաքական ուժն ինչ պիտի անի, պիտի բարձրացնի իր վարկանիշը, որպեսզի հաջորդ ընտրություններում ստանա ավելի շատ ձայն, ի վերջո, 50 տոկոսից անցնի, հասնի իշխանության։ Դա է ճանապարհը։ «Ելք» դաշինքը գնում է այդ ճանապարհով, այսինքն՝ PR է իրականացնում, ինչը նորմալ է։ Բա քաղաքական ուժը պիտի PR-ով զբաղվի»,- նկատեց քաղաքագետը։

Հարցին, թե ինչո՞ւ մյուս ընդդիմադիր ուժերը չեն գնում թանկացումների առթիվ հասարակության դժգոհությունը կոնսոլիդացնելու ու դա պայքարի վերածելու ճանապարհով, Բաղդասարյանն ասաց․ «Որովհետև խորհրդարանական ընդդիմությունը «Ելք»-ն է, մյուս ուժերը պիտի գնային «Ելք»-ին միանային, ինչն իրենք չեն անում, որովհետև արդյունքում որևէ հարց չեն լուծելու։ «Ելք» դաշինքը առաջինը բարձրացրեց դրոշակը, որ այդ դժգոհության գեներացման կենտրոնը դառնա։ Եթե մյուս ուժերը գնան, միանան՝ մնալու են «Ելք»-ի ստվերում, չմիանան՝ չեն կարող էդպիսի ցույցեր կամ ակցիաներ անել: Դա անհեթեթ կլինի»։

Դիտարկմանը, թե չի ստացվում, որ ընդդիմադիր մյուս ուժերը այսօր լռելով միակ ընդդիմադիրի տիտղոս են շնորհում «Ելք»-ին, Բաղդասարյանը համաձայնեց․ «Մյուս ուժերը ճիշտ կանեին գոնե քննարկումների մակարդակում բարձրացնեին այդ հարցը։ Հիմա չեն անում, և, այո, կարծում եմ, ստացվում է՝ «Ելք»-ին շնորհում են այդ տիտղոսը և կարծում եմ, «Ելք»-ը շատ լավ կօգտվի այդ տիտղոսից»։

Մանրամասները դիտեք Արմեն Բաղդասարյանի հետ Factor.am-ի հարցազրույցում։

Մարինե Խառատյան