08.10.2026 | 11:11
Արծրուն Մարգարյանի և Վահրամ Խորխոռունու սպանությունների գործերով բացահայտումներ են եղել․ Փաշինյան
Արավուսից 37 հա հողատարածք տրվել է ադրբեջանցիներին․ Թագուհի Թովմասյանը՝ ստացած ահազանգերի մասին. ՏԵՍԱՆՅՈՒԹ
Քաղաքականություն
08.12.2020 | 16:59
Արավուսից 37 հա հողատարածք տրվել է ադրբեջանցիներին: Այս մասին ԱԺ նիստում ասաց պատգամավոր Թագուհի Թովմասյանը՝ անդրադառնալով իր ստացած ահազանգերին:
«Սյունիքի մարզի մի խումբ բնակիչներ հայտնել են, որ Գորիս-Ստեփանակերտ մայրուղու ձախ կողմում գտնվող իրենց համայնքի պահուստային ֆոնդի հողերը ադրբեջանցիները իրենցից խլում են: Գյուղի 8 տասնյակ կամավորները, որ պաշտպանում էին սահմանները, ստիպված են եղել նահանջել և զրկվել տարիներ շարունակ իրենց մշակած հողատարածքներից:
Սյունիքի փոխմարզպետը արձագանքել է ահազանգին և պատասխանել է, որ գյուղի հատվածներում հայկական կողմից տարածքներ չեն զիջվել:
Հաճելի է լսել, որ սահմանից մի մետր անգամ չենք զիջել, բայց պաշտոնյաների հերքումները հեռու են իրականությունից»,- նշեց պատգամավորը:
Թովմասյանը նաև հավելեց, որ ԱԳՆ-ից վստահեցրել են, որ Հայաստանի և Ադրբեջանի միջև դեռևս ֆիքսված սահման չունենք: «Փաստ է, որ մենք մեր հայրենիքի սահմանները GPS հանձնում ենք թշնամուն և եռակողմ պայմանագրից երկրորդ և երրորդ կողմերը ցավոք սրտի ներկա չեն այդ գործընթացին»,- ասաց պատգամավորը:
Մանրամասները՝ տեսանյութում:
