18.11.2024 | 21:11
Վահագն Խաչատուրյանը շնորհավորական ուղերձ է հղել Օմանի սուլթանին
Չեմ կարծում, որ Սերժ Սարգսյանին կաշառք է առաջարկվել. Մարուքյանը՝ ձայնագրության մասին. ՏԵՍԱՆՅՈՒԹ
Քաղաքականություն
08.12.2020 | 11:58
Ես այդ ձայնագրությունը սեյվ եմ արել, կարծում եմ՝ այդ տեսանյութը պարիտետային հանձնաժողովի համար լավ քննության առարկա է. այնտեղ պետք է կանչվի և Սերժ Սարգսյանը, և Նիկոլ Փաշինյանը, և յուրաքանչյուրը պետք է պատմի, թե ինչ է առաջարկել Ալիևը, որոնց մասին մենք չենք իմացել: Այս մասին, այսօր՝ դեկտեմբերի 8-ին, ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկվար Էդմոն Մարուքյանը՝ անդրադառնալով համացանցում տարածված ձայնագրությանը, ըստ որի՝ Բելառուսի նախագահ Ալեքսանդր Լուկաշենկոն Ալիևի անունից ՀՀ երրորդ նախագահ Սերժ Սարգսյանին 5 միլիարդ դոլար է առաջարկել Արցախի 7 շրջաններից հրաժարվելու դիմաց, Սերժ Սարգսյանը մերժել է առաջարկը:
«Կարևոր հարցեր կան, այդ գումարն առաջարկվել է անձամբ Սերժ Սարգսյանի՞ն, թե Հայաստանի Հանրապետությանը, ի՞նչ պայմաններով է առաջարկվել, ոնց է առաջարկվել, այդ նյութն ինչպես է սպրդել մամուլ, բազմաթիվ հարցեր կան:
Ես չեմ կարծում, թե Սերժ Սարգսյանին կաշառք են առաջարկել: Բայց թող Սերժ Սարգսյանն ասի՝ կաշառք են առաջարկել, չեմ վերցրել: Կարող է ասել են՝ Հայաստանին փող տանք, դուրս եկեք, կարող է ասել են՝ քեզ կաշառք տանք, զորքերդ հանի: Երկու տարբերակն էլ հնարավոր է: Որ նախագահին կաշառք կառաջարկեն, մի քիչ չեմ հավատում»,- ասաց Մարուքյանը:
Էդմոն Մարուքյանը հավելեց, որ հիմա ԱԺ-ից դուրս պարիտետային հանձնաժողով ստեղծելու նախագծի վրա են աշխատում. «Պարիտետային հանձնաժողովը նշանակում է ամեն ուժից հմապատասխան թվով ներկայացուցիչներ լինեն, որ որևէ ուժ դոմինանտ չլինի և հավասարակշիռ քննարկում լինի: Միայն սա չի, մի քիչ սպասեք, էլի նյութեր են լինելու: Սերիաներ կան, որոնք հերթով քննվելու են»:
Մանրամասները՝ տեսանյութում:
