13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Էդմոն Մարուքյանը և Վազգեն Մանուկյանը կհանդիպեն
Քաղաքականություն
07.12.2020 | 14:59
Առաջիկայում նախատեսվում է ԱԺ «Լուսավոր Հայաստան» խմբակցության ղեկավար, ԼՀԿ-ի վարչապետի թեկնածու Էդմոն Մարուքյանի և ընդդիմադիր 16 կուսակցությունների վարչապետի միասնական թեկնածու Վազգեն Մանուկյանի հանդիպումը: Այս մասին այսօր ստեղծված իրավիճակից դուրս գալու հարցով հրավիրված ԱԺ լսումների ժամանակ հայտնեց Էդմոն Մարուքյանը։
Նա նշեց, որ ունեցել են շփումներ, խորհրդակցություններ 16 ուժերի համակարգող մարմնի ներկայացուցչի հետ:
«Մեզ իրազեկվել է, որ 16 ուժերը որոշում են կայացրել առաջադրելու Վազգեն Մանուկյանի թեկնածությունը՝ որպես իրենց միասնական թեկնածու: Բնականաբար, շատ հարգանքով ենք մոտենում ցանկացած ուժի վարչապետի թեկնածու ունենալու իրավունքին: Եվ մենք էլ իրազեկել ենք, որ, որպես խորհրդարանական ուժ, վարչապետի թեկնածուով ենք ընտրություններին մասնակցել և հետևաբար ունենք վարչապետի թեկնածու»,- նշեց Մարուքյանը։
Վազգեն Մանուկյանի հետ հանդիպման առնչությամբ Մարուքյանն ասաց. «Կխոսենք, կշփվենք: Կարծում եմ, որ չպետք է ասենք՝ չէ, իմն է ամենաճիշտը, ես պետք է այսպես անեմ, կամ մյուսն ասի՝ իմն է ամենաճիշտը: Այլապես չի ստացվի միասնական որևէ գործողություն, միասնական որևէ շարժում, այդ թվում՝ «Իմ քայլը» դաշինքի հետ»։
Մերի Մարտիրոսյան
