01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Վերջին 3 տարիներին մոտ 5,3 մլրդ դրամ է հատկացվել անօթևանների բնակապահովման համար․ Տանյա Արզումանյան. ՏԵՍԱՆՅՈՒԹ
Հասարակություն
07.12.2020 | 12:26
«Աղետի գոտում պետական աջակցությամբ իրականացվող բնակապահովման ծրագիրը, որ մեկնարկել էր 2008 թվականին, պլանավորված էր, որ այս տարի հասցվի իր ավարտական փուլին»,- այս մասին ասուլիսում ասաց ՀՀ քաղաքաշինության կոմիտեի Բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանը:
Նրա խոսքով՝ այս ծրագիրը վերաբերում է 2008 թվականին համայնքների ղեկավարների կողմից հաշավառված հերթացուցակներում ընդգրկված անձանց և այդ անձանց փաթեթների ուսումնասիրության արդյունքում շահառու ճանաչվածներին: «Փաթեթների ուսումնասիրության արդյունքում շահառու էին ճանաչվել 5406 ընտանիք: Այդ թիվը կարող է որոշակի աճման միտումով փոփոխվել՝ բնակապահովման իրավունքը վերականգնելու համար դատարան դիմած ընտանիքների հաշվին: Այս ծրագրի շահառուները Լոռու, Շիրակի, Արագածոտնի մարզերի բնակավայրերից են: 2008-2017 թթ. 5406 ընտանիքից լուծվել էր 4838 ընտանիքի խնդիրները երկու ուղղությամբ՝ բնակարանային շինարարություն և ֆինանսական աջակցության տրամադրում բնակարային պայմանների բարելման համար:
2019 թ. բյուջեով հատկացվել էր 560 միլիոն դրամ, մեկնարակել էր 61 ընտանիքի բնակարանային խնդրի լուծում, և 31 տների շինաշխատանքները, որոնք չէին ավարտվել, ավարտին հասցվեն:
2019 թվականի աշնանը որոշում ընդունվեց՝ շահառու ճանաչված ընտանիքների խնդիրները լուծել նրանց շրջանում անցկացված գրավոր հարցման համաձայն: Այն ընտանիքները, որոնք ընտրել էին ֆինանսական աջակցության տրամադրումը որպես բնակարանային խնդրի լուծում, 2019 թ. տարեվերջին պահուստային ֆոնդից հատկացվեց 1,29 միլիարդ դրամ: Դրա հաշվին մեկնարկեց 227 ընտանիքների բնակարային խնդրի լուծում: 2019 թվականին պետական բյուջեից 288 ընտանիքի բնակարանային խնդրի լուծման համար շուրջ 1,85 միլիարդ դրամ միջոց էր հատկացվել»,- նշեց Տ. Արզումանյանը:
Նա նաև հայտնեց, որ 2020 թվականին մեկնարկեց ծրագրի ավարտական փուլը հիմնականում այն ընտանիքների համար, որոնք գրավոր հարցման արդյունքում ընտրել էին բնակարանայի շինարարության տարբերակը: «Այս ուղղությամբ բյուջեով նախատեսած ու հատկացված էր 3 միլիարդ դրամ: Հատկացած միջոցների հաշվին մեկնարկել են այդ ընտանիքների բնակելի տների կառուցման աշխատանքները: Վերջին 3 տարիներին մոտ 5,3 մլրդ դրամ է հատկացվել անօթևանների բնակապահովման համար»- նշեց Արզումանյանը:
Մանրամասները՝ տեսանյութում:
