17.09.2026 | 23:16
ԱԹՍ-ի հարվածի ենթարկված թուրքական նավի տերը Միջազգային քրեական դատարան բողոք է ներկայացրել Ուկրաինայի դեմ
Քոթոթը Վայոց ձորում խճճվել էր այգու ցանցավանդակներում և մնացել «գերության» մեջ. FPWC
04.12.2020 | 14:27
Օրերս Վայրի բնության և մշակութային արժեքների պահպանման հիմնադրամն (FPWC) իրականացրեց արջի քոթոթի փրկության հերթական գործողությունն՝ անմիջապես վայրի բնության մեջ։ 2020թ․-ի դեկտեմբերի 1-ին FPWC Վայրի կենդանիների փրկարար կենտրոնը (WRC) ստացավ ահազանգ․ Վայոց ձորի մարզի Գողթանիկ գյուղում վայրի քոթոթը խճճվել է այգու ցանցավանդակների մեջ և մնացել «գերության» մեջ՝ չկարողանալով ազատվել։
WRC մասնագետներն անմիջապես մեկնել են նշված վայր՝ օգնություն ցուցաբերելու կենդանուն։ Մասնագետների կողմից տեղանքի ուսումնասիրություն կատարելուց հետո, կենդանին քնեցվեց հատուկ հեռահար թմրեցման սարքի միջոցով։ Արջը՝ փորձելով ազատվել ցանցավանդակներից վնասել է կաթնատամերից մեկը։ Կենդանու և տարածքի բնակիչների անվտանգության ապահովման տեսանկյունից քոթոթը քնած վիճակում տեղափոխվեց գյուղից քիչ հեռու և վերադարձավ վայրի բնություն։
Փրկարարական գործողությանը ներկա են եղել և մասնակցել են ընթացքին Բնապահպանության և ընդերքի տեսչական մարմնի Վայոց ձորի տարածքային բաժնի և ՀՀ ոստիկանության ներկայացուցիչները։
