15.03.2026 | 18:23
ՀԱԿ նախագահ է վերընտրվել Լևոն Տեր-Պետրոսյանը․ կուսակցության վարչության կազմը
Նարեկ Սարգսյանն իրեն առաջադրված մեղադրանքն ընդունում է. պաշտպանը միջնորդեց արագացված նիստեր անցկացնել. ՏԵՍԱՆՅՈՒԹ
Հասարակություն
01.12.2020 | 14:39
Երևանի ընդհանուր իրավասության դատարանում դատավոր Վահե Միսակյանի նախագահությամբ այսօր տեղի ունեցավ Սերժ Սարգսյանի եղբորորդու՝ Նարեկ Սարգսյանի գործով դատական նիստը:
Սարգսյանի պաշտպանը դատարանին միջնորդեց արագացված կարգով դատական նիստերը անցկացնել, ասաց, նաև, որ Նարեկ Սարգսյանը իրեն առաջադրված մեղադրանքների հետ համաձայն է:
Հիշեցնենք՝ Ալեքսանդր Սարգսյանի որդին մեղադրվում է ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելու, իրացնելու, պահելու, փոխադրելու կամ կրելու և թմրամիջոցների, հոգեմետ (հոգեներգործուն) նյութերի ապօրինի շրջանառությունն իրացնելու, պատրաստելու նպատակով կամ դրանք ապօրինի իրացնելու հատկանիշներով։
Նա 2018 թվականի հուլիսից հետախուզվում էր։ Նարեկ Սարգսյանը հայտնաբերվել էր Չեխիայում՝ Ֆրանկլին Գոնսալես անվամբ, 2019-ին դեկտեմբերին նա արդեն արտահանձնվեց Հայաստանին։
Դատախազը արագացված դատական նիստեր անցկացնելու միջնորդությունը խնդրեց հետաձգել, որպեսզի լսվի նաև տուժողի կարծիքը, որը չէր ներկայացել այսօրվա դատական նիստին:
Դատավորը որոշեց միջնորդության քննարկումը հետաձգել:
Հաջորդ դատական նիստը կկայանա դեկտեմբերի 24-ին՝ ժամը 14:00ին:
