27.04.2026 | 16:30
Ռազմական ծախսերը կտրուկ աճել են Եվրոպայում ու Ասիայում՝ հասնելով 16 տարվա ընթացքում չտեսնված մակարդակի. SIPRI
«Իմ քայլը» խմբակցությունը փակ հանդիպում է անցկացնում Էկոնոմիկայի նախարար Վահան Քերոբյանի հետ
Քաղաքականություն
01.12.2020 | 12:14
Քիչ առաջ Ազգային ժողով ժամանեցին իշխող «Իմ քայլը» խմբակցության պատգամավորները։ Այս պահին նրանք փակ հանդիպում են անցկացնում Էկոնոմիկայի նորանշանակ նախարար Վահան Քերոբյանի հետ։ Հանդիպման օրակարգի մասին պատգամավորները մանրամասներ չհայտնեցին։
Նշենք, որ նախարարը երեկ ևս խորհրդարանում էր. եկել էր «Իմ քայլը» խմբակցության ղեկավար Լիլիթ Մակունցի հետ հանդիպման։ Կարճատև հանդիպումից հետո նա շտապում էր հեռանալ, և Factor.am-ի հարցին, թե վերջին հարցազրույցում ի՞նչ նկատի ուներ, երբ հայտարարեց, որ Ադրբեջանի շուկան կարող է հասանելի լինել մեզ համար և մեր շուկան՝ Ադրբեջանի համար, Քերոբյանը վստահեցրեց, թե իր խոսքը մանիպուլացվում է, սակայն նորից նույնը կրկնեց։ Նախարարն ասաց, թե նկատի է ունեցել, որ երբ ճանապարհները բացվեն՝ միգուցե ադրբեջանական շուկան հասանելի լինի մեզ համար և մեր շուկան՝ Ադրբեջանի համար։
Հիշեցնենք, որ Վահան Քերոբյանը նախարար է նշանակվել նոյեմբերի 26-ին։ Նա գործարար է, menu.am-ի հիմնադիրը։
Մերի Մարտիրոսյան
