15.07.2026 | 16:31
Ստամբուլում ռուս զբոսաշրջիկների են ձերբակալել մզկիթի վերածված Սուրբ Սոֆիայի տաճարում Աստվածաշունչ կարդալու համար
Տղաները թաց հագուստով քնում են ձյան տակ. զինվորի ծնող. ՏԵՍԱՆՅՈՒԹ
30.11.2020 | 12:20
«Մեր զինվորները, մեր տղաները ոչնչից չեն դժգոհում, չեն բողոքում: Բայց ծնողներից շատերը գնացել և տեսել են՝ ինչ պայմաներում են տղաները ծառայությունը շարունակում: Դուք պատկերացրեք՝ բարձրաբերձ լեռներում, դիրքերում, որտեղ նրանք ծառայություն են իրականացնում, արդեն ձյուն է եկել, սառնամանիք է, ու նրանք թաց հագուստով մնում են անձրևի ու ձյան տակ: Արցեն 60 օր է իրենց սապոկները հագներից չեն հանել, 60 օր է չեն լողանում: Լավագույն դեպքում զինվորների մի մասն էլ դպրոցներում ու մանկապարտեզներում են տեղավորված, որտեղ հոսանք չկա»,- այս մասին լրագրողների հետ զրույցում ասաց ժամկետային զինծառայողի մայր Լուսինե Հարոյանը:
Հարոյանի խոսքով՝ պաշտպանության նախարարի հետ հանդիպմանը ներկա էին գնդապետներ և փոխգնդապետներ: Նրանք վստահեցրին, որ աշխատանքներ են կատարվում պայմանները բարելավելու համար: Դեկտեմբերի յոթից զինծառայողներին յոթօրյա արձակուրդ կտրամադրվի:
Զինծառայողի ծնողն ասաց, որ ամենօրյա ռեժիմով հավաքվում են Կառավարության շենքի դիմաց, բայց այս պահին վարչապետի հետ հանդիպում պահանջելու անհրաժեշտություն չկա:
Մանրամասները՝ տեսանյութում:
