11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Եռակողմ հայտարարության հաշվի չառնված կետերը, հավանաբար, կպարզաբանվեն ԵԱՀԿ ՄԽ շրջանակում
Քաղաքականություն
28.11.2020 | 16:17
Վերջին շաբաթներին հանրապետության նախագահ Էմանուել Մակրոնը բազմիցս շփվել է վարչապետ Փաշինյանի հետ և կրկնել միջնորդների աշխատելու պատրաստակամության մասին. այս մասին Երևանում կայացած մամուլի ասուլիսում ասել է Ֆրանսիայի ԱԳՆ պետքարտուղար Ժան-Բատիստ Լեմուանը։
«Մենք ուսումնասիրել ենք նոյեմբերի 9-ին ստորագրված հայտարարությունը։ Փաստ է, որ այնտեղ կան հաշվի չառնված կետեր, որոնք անհրաժեշտ է պարզաբանել։ Սա քաղաքական կողմն է։ Հավանաբար դա տեղի կունենա ԵԱՀԿ Մինսկի խմբի շրջանակում»,- նշել է Ժան-Բատիստ Լեմուանը։
Ապա պետքարտուղարն ասել է, որ Ֆրանսիան համագործակցում է ՅՈՒՆԵՍԿՕ-ի հետ՝ Լեռնային Ղարաբաղում մշակութային և հոգևոր ժառանգության պաշտպանության համար, որոնց մի մասը գտնվում է Ադրբեջանի տարածքում:
