27.06.2026 | 15:00
Ուկրաինան հարվածել է Մոսկվային վառելիք մատակարարող «Վտորովո» նավթամղիչ կայանին. meduza
Կան կասկածներ. Արցախի ՄԻՊ-ը` Բաքվում հայ գերիների մասնակցությամբ զորահանդես կազմակերպելու մասին. ՏԵՍԱՆՅՈՒԹ
Հասարակություն
27.11.2020 | 13:34
Կան կասկածներ Բաքվում հայ գերիների մասնակցությամբ զորահանդես կազմակերպելու մասին: Այդպիսի տեղեկություններ լսել եմ, բայց չեմ կարող ասել, թե որքանով են դրանք հավաստի: Այս մասին «Գերիներ ու անհետ կորածներ. ո՞վ է զբաղվում նրանցով» քննարկման ժամանակ ասաց Արցախի ՄԻՊ Արտակ Բեգլարյանը:
«Հաշվի առնելով նախընթաց գործընթացները, ադրբեջանական ձեռագիրը, նաև հայատյացության մթնոլորտն Ադրբեջանում, որը լայնորեն խրախուսվում է հենց իշխանությունների կողմից, տեսականորեն չեմ կարող բացառել, որ դա տեղի կունենա: Բայց հույս ունեմ, որ ռացիոնալ առումով իրենց համար դա լուրջ հարված կլինի միջազգային հեղինակության տեսանկյունից, և չեն գնա այդ քայլին:
Հույս ունեմ, որ եթե նմանատիպ մտադրության կա, միջազգային հանրությունը կփորձի կանխարգելել տարբեր ձևերով, տարբեր լծակներով: Եթե կատարվեց, դա շատ կոպիտ հանցագործություն է լինելու, որից հետո շատ լուրջ պատժիչ միջոցներ պետք է կիրառվեն»,- նշեց Բեգլարյանը՝ հավելելով, որ այնքան էլ լավատես չէ այն հարցում, թե միջազգային հանրությունը կկատարի իր պարտավորությունները:
Մանրամասները՝ տեսանյութում:
