Հասարակություն
27.11.2020 | 13:30«Տեղեկատվական տեխնոլոգիաների և հնարավորությունների այս ժամանակահատվածում, երբ ըստ էության տեղեկատվության մատչելիությունը հասանելի է յուրաքանչյուրին, տարածվում են տեսանյութեր, որոնք միայն կեղծ տեղեկություններ չեն: Այն տարածված տեղեկությունները, որոնք ուսումնասիրվել են, հիմնավորվել են, փաստագրվել են, որպես այդպիսին, նրանց ուղղությամբ քայլեր կատարելու մասին պետք է մտածել: Իշխանության կողմից իր պարտավորությունների կատարման մասին հաշվետվություն պետք է լինի, որովհետև հատկապես այս իրավիճակում, մենք պետք է տեսնենք պետության կողմից իր քաղաքացիների առջև պարտավորությունների կատարման պարբերական հաշվետվություն՝ գերեվարված մարդկանց ճակատագրերի վերաբերյալ ճշտումներ կատարելու, բացահայտելու, նրանց նկատմամբ հետագա անմարդկային վերաբերմունքը կանխելու ուղղությամբ քայլերի վերաբերյալ. սա այն է, ինչ մենք ակնկալում ենք և պետք է պահանջենք պետությունից: Այս մասին «Գերիներ ու անհետ կորածներ. ո՞վ է զբաղվում նրանցով» քննարկման ժամանակ ասաց իրավապաշտպան Արթուր Սաքունցը:
Նրա խոսքով՝ գերիների նկատմամբ կտտանքները պատերազմական հանցագործություն են, և օր առաջ պետք է բոլոր լծակներն օգտագործել դրանք կանխելու համար: Իրավապաշտպանի դիտարկմամբ՝ բացառությամբ ՄԻԵԴ-ի մեխանիզմի, որտեղ հայցադիմումներ են ներկայացված, ՀՀ-ի ջանքերը խիստ անբավարար են: «Ձեռք բերված փաստերի ուղղությամբ աշխատանքներ պետք է իրականացնել»,- ընդգծեց Սաքունցը:
Մանրամասները՝ տեսանյութում:
