07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Իշխանությունը չպետք է սարսափի վարչապետին անվստահություն հայտնելու հարցից, նման նախագիծ չունենք. ՏԵՍԱՆՅՈՒԹ
Քաղաքականություն
26.11.2020 | 14:18
Իշխանությունը ռազմական դրությունը հանելու հիմնավորում այլևս չունի։ Այս մասին այսօր՝ նոյեմբերի 26-ին, լրագրողների հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը։
«ՊՆ-ի անվտանգության հանձնաժողովի երեկվա նիստում Գլխավոր շտաբի ներկայացուցիչն ասաց՝ այսօր էլ կարող ենք հանել ռազմական դրությունը, մենք մեր խնդիրները գիտենք։ Հիմա այսօր ԳՇ-ից ոչ մեկին չեն հրավիրել, հրավիրել են ՊՆ գլխավոր քարտուղարին, ումից պահանջում եմ, որ իր զեկույցում ներկայացնի գերիների փոխանակման գործընթացը երբ է սկսվելու, ներկայացնի քաղաքացիական անձանց գործընթացը երբ է սկսվելու, ինչ են անում, որ մեր գերիներին չխոշտանգեն և այլ հարցեր»,- նշեց Մարուքյանը։
Նա նաև հավելեց, որ մոբիլիզացված քաղաքացիական անձինք ասում են. «Պետության հացն ենք ուտում ամեն օր, բայց ոչինչ չենք անում, թող զորացրեն, գնանք աշխատենք, տնտեսությունը խայտառակ վիճակում է»:
Մարուքյանը շեշտեց, որ քաղաքացիների կողմից մեծ դժգոհություն կա՝ ռազմական դրությունը չվերացնելու առնչությամբ։ «Սահմանը չեն կարողանում հատել բոլոր նրանք, որոնք ունեն և հայկական անձնագիր և նաև ռուսական անձնագիր ունեցողները։ Չեն կարողանում գնալ արտագնա աշխատանքի։ Առաջացել են տնտեսական լուրջ խնդիրներ»։
Պատգամավորը նաև ընդգծեց, որ հերթափոխի խնդիր կա. «Զինծառայողների հարազատները գրում են, որ հերթափոխություն պետք է արվի, որը նույնպես թողնվել է: Ասում են՝ եկեք ռազմական դրությունը չհանենք կամ եթե հանենք, եկեք ցույցերը, երթերը թույլ տանք, բայց ռազմական դրությունը չհանենք»:
Անդրադառնալով վարչապետ Նիկոլ Փաշինյանի՝ հնարավոր հրաժարականի գործընթացին, Մարուքյանը նշեց, որ ռազմական դրության պայմաններում անվստահություն հայտնելու գործընթաց հնարավոր չի անել։
«Վարչապետին անվստահություն հայտնելու նախագիծ այս պահին չունենք: Հետևաբար իշխանությունը չպետք է սարսափի այդ գաղափարից։ Երբ կհանվի ռազմական դրությունը, դա էլ կքննարկենք»։
Մանրամասները՝ տեսանյութում:
