19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Շատ սխալներ արել ենք, բայց դրանք այնպիսին չեն, որ կառավարությունն ամբողջ կազմով հրաժարական տա. Թունյան. ՏԵՍԱՆՅՈՒԹ
Քաղաքականություն
26.11.2020 | 13:59
Մենք գտնում ենք, որ շատ սխալներ արել ենք, բայց դրանք այն աստիճանի, բոլոր ոլորտներում չեն, որ կառավարությունն ամբողջ կազմով հրաժարական տա: Լրագրողների հետ զրույցում այս մասին ասաց «Իմ քայլը» խմբակցության պատգամավոր Բաբկեն Թունյանը՝ պատասխանելով հարցին, թե ինչու՞ կառավարությունը հրաժարական չի տալիս:
«Օրինակ՝ տնտեսական ոլորտը, չենք կարող ասել՝ ձախողվել է, որովհետև այդ ոլորտի դժվարությունները պայմանավորված են եղել կորոնավիրուսով, հետո նաև պատերազմական իրավիճակով: Այսինքն՝ այստեղ ֆորսմաժորային իրավիճակի հետ գործ ունենք», – նշեց պատգամավորը:
Անդրադառնալով հարցին, թե ստորագրված տխրահռչակ փաստաթուղթը բավարար պատճառ չէ՞ հրաժարականի համար՝ Թունյանը պատասխանեց. «Եթե հիմնավորեք, որ այլ կառավարության դեպքում այլ արդյունքներ էին լինլու և որ ցույց տան, որ այդ փաստաթուղթը պայմանավորված է կոնկրետ կառավարության սխալներով ու միայն դրանով, այլ ոչ այն հանգամանքով, որ պատերազմել ենք Ադրբեջանի, Թուրքիայի դեմ և 25 տարի սպառազինության և այլ առումներով հետ ենք մնացել, կհամաձայնեմ, որ դա մեր մեղքն է»:
Մանրամասները՝ տեսանյութում:
