30.06.2026 | 22:20
Էրդողանն արձագանքել է Իսրայելի կառավարության՝ Հայոց ցեղասպանության ճանաչման որոշմանը
Այս պահին միջպետական և տեղական նշանակության 550 կմ ճանապարհ ունենք կառուցած․ Պապիկյան. ՏԵՍԱՆՅՈՒԹ
Տնտեսություն
26.11.2020 | 11:37
ՀՀ Կառավարությունն այսօրվա նիստում որոշեց համաձայնություն տալ «Հայկ-88» սահմանափակ պատասխանատվությամբ ընկերությանը կառուցապատման իրավունքով հողամասեր տրամադրելուն, ինչպես նաև հավանություն տվեց ներդրումային ծրագրին։
Ծրագրի զեկուցող տարածքային կառավարման և ենթակառուցվածքների նախարար Սուրեն Պապիկյանը նշեց, որ «Հայկ-88» ՍՊԸ-ն Կոմիտասի պողոտայի Հ 49/9 հասցեում գտնվող 2774.1 քմ մակերեսով շինության սեփականատեր է և դրա զբաղեցրած 2016 քմ մակերեսով հողամասի վարձակալ։
«Ծրագրով նախատեսվում է ապամոնտաժել ընկերությանը սեփականության իրավունքով պատկանող շինությունը, լուծել հողամասի նկատմամբ ընկերության վարձակալության իրավունքը և Կոմիտասի պողոտայի 49/9 և 49/10 հասցեներում գտնվող հողամասերում ձևակերպել կառուցապատման իրավունքով»,- ասաց նախարարը։
Նա նշեց, որ ծրագրի իրականացումից հետո ընկերության կողմից Երևանի բնակիչների համար կկառուցվի Կոմիտասի պողոտան հատող վերնանցում, որն իրար կկապի Արաբկիր մանկական զբոսայգին և քննարկվող այգին։
«Ծրագրով նախատեսված ընդհանուր ներդրումները կկազմեն 10 մլն դոլարին համարժեք, որից այգու բարեկարգման և վերակառուցման համար՝ 1 մլն դոլար, որն ուղղելու է ամֆիթատրոնի կառուցման, շատրվան-ջրավազանների կառուցման, կաթիլային ոռոգման համակարգի ապահովման, լուսավորություն և այլ աշխատանքների իրականացմանը: Նշեմ նաև, որ ներկա պահին այդ տարածքը գտնվում է ոչ բարեկարգ վիճակում, և այստեղ ներդրումների կարիք կա»,- ներկայացրեց Պապիկյանը։
Սուրեն Պապիկյանը նաև տեղեկացրեց, որ այս պահին միջպետական և տեղական նշանակության 550 կմ ճանապարհ է կառուցվել:
Մանրամասները՝ տեսանյութում:
