19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Թուրքիան արձագանքել է Ֆրանսիայի Սենատի կողմից ընդունված ԼՂ անկախությունը ճանաչելու մասին բանաձևին
Քաղաքականություն
26.11.2020 | 12:34
Թուրքիայի ԱԳ նախարարությունը դատապարտել է Ֆրանսիայի Սենատի կողմից ընդունված բանաձևը, որով երկրի իշխանություններին կոչ է արվում ճանաչել Լեռնային Ղարաբաղի անկախությունը, գրում է ՏԱՍՍ-ը։
«Մենք հերքում են որոշման մեջ Թուրքիայի հասցեին հնչեցված չհիմնավորված պնդումները։ Ֆրանսիայի Սենատի այս որոշումը հստակ ցույց է տալիս, թե ինչու ԵԱՀԿ Մինսկի խումբը, որը կազմված է համանախագահներից, որոնք պետք է չեզոքություն պահպանեն, մինչ օրս չի կարողացել լուծել այս հարցը։ Ֆրանսիայի Սենատի կոչն Ադրբեջանին՝ լքել օկուպացիայից ազատագրած իր տարածքները, հանդիսանում է անհեթեթ, կողմնակալ ու փաստերից կտրված, և այն չի կարելի լուրջ ընդունել։ Մենք ցանկանում ենք, որպեսզի Ֆրանսիան կառուցողական դիրքորոշում ընդունի տարածաշրջանում կայունության համար՝ անելով ճիշտ եզրակացություններ»,- նշված է թուրքական արտաքին քաղաքական գերատեսչության հայտարարության մեջ։
Հիշեցնենք՝ Ֆրանսիայի Սենատը երեկ ընդունեց Արցախի անկախությունը ճանաչելու անհրաժեշտության վերաբերյալ բանաձևը՝ ձայների 305 կողմ և 1 դեմ հարաբերակցությամբ: Քվեարկությանը մասնակցել է 336 սենատոր:
«Լեռնային Ղարաբաղի Հանրապետությունը ճանաչելու անհրաժեշտության մասին» վերնագրված բանաձևով կոչ է արվում Ֆրանսիայի կառավարությունը ճանաչել Լեռնային Ղարաբաղի անկախությունը՝ տարածաշրջանում տևական խաղաղություն հաստատելու համար:
Բանաձևը նաև դատապարտում է Ադրբեջանի ռազմական ագրեսիան, որն իրականացվել է Թուրքիայի իշխանությունների և օտարերկրյա վարձկանների աջակցությամբ, և կոչ է անում, որպեսզի անհապաղ դուրս բերվեն ադրբեջանական զինված ուժերը և նրանց աջակիցները այն տարածքներից, որոնք վերցվել են սեպտեմբերի 27-ից սկսված պատերազմական գործողությունների արդյունքում:
Տաթև Ֆռանգյան
