09.10.2026 | 09:42
Անտոնիո Ֆերնանդեսը հրապարակել է ֆուտզալի Հայաստանի հավաքականի կազմը
ԱԺ խորհուրդը 1 ժամից ավելի է՝ քննարկում է Գագիկ Ծառուկյանին պատգամավորական մանդատից զրկելու հարցով ՍԴ դիմելու որոշումը
Քաղաքականություն
24.11.2020 | 19:38
Այսօր խորհրդարանում ժամը 18:00-ին մեկնարկեց Ազգային ժողովի խորհրդի նիստը, որի օրակարգում ԲՀԿ ղեկավար Գագիկ Ծառուկյանին պատգամավորական մանդատից զրկելու հարցով Սահմանադրական դատարան դիմելու հարցի քննարկումն է:
Նշենք, որ Գագիկ Ծառուկյանը ներկա չէ նիստին։ Մասնակցում են ԲՀԿ-ից Միքայել Մելքումյանը, Նաիրա Զոհրաբյանը, Վահե Էնֆիաջյանը, Արման Աբովյանը, ինչպես նաև՝ Ծառուկյանի պաշտպան Էմին Խաչատրյանը:
Նիստին չեն մասնակցում «Լուսավոր Հայաստան» խմբակցությունից Էդմոն Մարուքյանն ու Արկադի Խաչատրյանը: ԱԺ խորհրդի կազմում գտնվող «Իմ քայլի» պատգամավորները ներկա են նիստին։
ՍԴ դիմելու որոշման համար որպես հիմք է նշվում Սահմանադրության 95-րդ հոդվածը, Կոռուպցիայի կանխարգելման հանձնաժողովի 2020 թվականի հոկտեմբերի 26-ի «Ազգային ժողովի՝ պատգամավորի կողմից անհամատեղելիության պահանջների խախտման մասին» եզրակացությունը:
Նշենք նաև, որ առայժմ հայտնի չէ, թե նիստը երբ կավարտվի։
Մերի Մարտիրոսյան
