10.08.2026 | 12:34
Չեմ մեկնաբանի Ադրբեջանի ներքին հարցերը. Սոնա Ղազարյանն` AZ TV-ի ձևակերպումների մասին. ՏԵՍԱՆՅՈՒԹ
Համացանցում տարածվող գերեվարված զինվորների ու քաղաքացիների մասին տեսանյութերը հաճախ կապ չունեն Արցախի ռազմագործողությունների հետ. ԱԱԾ-ն հորդորում է զերծ մնալ
Հասարակություն
24.11.2020 | 10:17
ՀՀ ԱԱԾ-ն հաղորդագրություն է տարածել, որում ասվում է.
«Հարգելի՛ հայրենակիցներ,
Վերջին օրերին համացանցում բավականին լայն տարածում են գտել գերեվարված զինվորների և քաղաքացիական անձանց վերաբերյալ տեսանյութեր, որոնք ունեն անհայտ ծագում և, ստացված տվյալների համաձայն, շատ դեպքերում որևէ կապ չունեն Արցախի Հանրապետությունում տեղի ունեցած ռազմական գործողությունների հետ:
Օտարերկրյա տարբեր պետություններում նկարահանված, հաճախ նաև միտումնավոր կերպով մոնտաժված այդ կադրերի տարածումը հասկանալի պատճառներով խուճապ է ստեղծում հայ հանրության շրջանում՝ բացասաբար անդրադառնալով հասարակական տրամադրությունների վրա:
Հաշվի առնելով նմանատիպ երևույթների առկայությունը՝ ՀՀ ազգային անվտանգության ծառայությունը հորդորում է զերծ մնալ համացանցում նմանօրինակ տեսանյութերի տարածումից ու այս ասպարեզում ևս բացառապես առաջնորդվել պաշտոնական տեղեկատվական աղբյուրների կողմից տրամադրվող տեղեկություններով»:
