08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Շոյգուին է փոխանցվել զինծառայողների գտնվելու վայրի քարտեզը, նա իր հետ տարել է Ադրբեջան. Արման Բաբաջանյան. ՏԵՍԱՆՅՈՒԹ
Հասարակություն
23.11.2020 | 15:18
Կառավարությունում այսօր տեղի է ունենալու խորհրդակցություն՝ վարչապետի գլխավորությամբ, բոլոր պատկան գերատեսչությունները, որոնք մինչ օրս զբաղված են եղել այս աշխատանքներով, ներկա են լինելու, 16.30 կկայանա հանդիպում: Այս մասին լրագրողների հետ զրույցում ասաց ԱԺ անկախ պատգամավոր Արման Բաբաջանյանը՝ հավելելով, որ պաշտպանության նախարարությունը՝ նախկին նախարարի գլխավորությամբ, պարտավոր էր ամենօրյա կոմունիկացիայի մեջ լինել անհետ կորած զինծառայողների ծնողների հետ և ներկայացնել, թե ինչ աշխատանքներ են իրականացվում:
«Պաշտպանության նորանշանակ նախարար Վաղարշակ Հարությունյանի տեղեկացմամբ՝ Շոյգուին է փոխանցվել զինծառայողների գտնվելու վայրի քարտեզը, նա իր հետ տարել է Ադրբեջան: Դրա շուրջ աշխատանքներ են իրականացվում»,- ընդգծեց Արման Բաբաջանյանը:
Նա նաև հավելեց, որ ռուս խաղաղապահների հետ աշխատանքեր են իրականացվում. «Փորձում ենք ռուս խաղաղապահների հետ այնպիսի մթնոլորտ ստեղծել, որը հնարավորություն կտա անել անկարելին՝ գեթ մեկողջ մնացած զինծառայողի կյանք փրկելու համար»:
Մանրամասները՝ տեսանյութում:
