17.09.2026 | 13:45
Թրամփը սպառնում է ԵՄ-ի հետ առևտրի դադարեցմամբ՝ Կանադայի հետ մերձեցման պատճառով
Հայաստանում մի քանի կամավոր կպատվաստվի ռուսական «Սպուտնիկ V» պատվաստանյութով
Հասարակություն
23.11.2020 | 12:38
Ռուսաստանի առողջապահության նախարարությունը Հայաստանին է տրամադրել COVID-19-ի «Սպուտնիկ V» պավաստանյութի օրինակներ, որոնցով կպատվաստվեն մի քանի կամավորներ: Factor.am-ին այս մասին տեղեկացրեց ՀՀ առողջապահության նախարարի մամուլի խոսնակ Ալինա Նիկողոսյանը:
«Ստացել ենք օրինակներ՝ շատ քիչ քանակի, որոնք կօգտագործվեն մի քանի կամավորների պատվաստելու համար»,- ասաց Նիկողոսյանը:
Նշենք, որ «Սպուտնիկ V» պատվաստանյութով պատվաստումը կատարվում է 2 դեղաչափով: Երկրորդ դեղաչափը ստանում են առաջին դեղաչափով պատվաստվելուց 21 օր անց:
Ավելի վաղ՝ նոյեմբերի 21-ին, Երևանում Հիվանդությունների վերահսկման և կանխարգելման ազգային կենտրոնում էին Ռուսաստանի առողջապահության նախարար Միխայիլ Մուրաշկոն և Ռոսպոտրեբնադզորի ղեկավար Աննա Պոպովան՝ շարժական լաբորատորիայի բացման արարողությանը:
Նրանք իրենց հետ բերել էին նաև COVID-19-ի «Սպուտնիկ V» պավաստանյութի օրինակներ:
Նշենք նաև, որ Ռուսաստանում արդեն սկսվել է պատվաստման գործընթացը:
Անժելա Պողոսյան
