18.11.2024 | 18:32
Նախորդ շաբաթ պահպանվող հատուկ տարածք տեղափոխելով 170 մեքենա
Մովսես Հակոբյանը հրավիրվել է ՀՔԾ
Հասարակություն
19.11.2020 | 19:56
Հայաստանի պաշտպանության նախարարության ռազմական վերահսկողական ծառայության նախկին պետ, Զինված ուժերի գլխավոր շտաբի նախկին պետ, գեներալ-գնդապետ Մովսես Հակոբյանին քիչ առաջ հրավիրել են ՀՔԾ:
ՀՔԾ֊ից, սակայն, տեղեկությունը չմեկնաբանեցին:
Նշենք, որ Հակոբյանին ՀՔԾ են հրավիրել՝ իր այսօրվա հայտարարությունների հետ կապված բացատրություն վերցնելու համար:
Այս պահին Հակոբյանը ՀՔԾ֊ից դուրս է եկել, հայտնի չէ՝ ինչ կարգավիճակ ունի:
Հիշեցնենք, որ այսօր հրավիրված մամուլի ասուլիսի ընթացքում Մովսես Հակոբյանը բազում սկանդալային բացահայտումներ էր կատարել, ինչից հետո ՀՀ գլխավոր դատախազի խորհրդական Գոռ Աբրահամյանը ֆեյսբուքյան գրառմամբ տեղեկացրել էր, որ ասուլիսի տեսագրությունն ուղորկվել է ՀՀ հատուկ քննչական ծառայություն՝ ՀՀ քրեական դատավարության օրենսգրքի 180-181-րդ հոդվածներով սահմանված կարգով նյութեր նախապատրաստելու, ասուլիսի ընթացքում նրա կողմից ներկայացված հանգամանքները քրեադատավարական ընթացակարգով ստուգելու և իրավական գնահատական տալու հանձնարարությամբ:
