06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ապացուցված է․ կորոնավիրուսի դեմ իմունիտետը պահպանվում է անգամ հակամարմինների անհետանալուց հետո. Nature Medicine
Քաղաքականություն
19.11.2020 | 16:11
Մարդու իմունային համակարգը հիշում է SARS-CoV-2 կորոնավիրուսը ՝ հաջորդ հարձակման ժամանակ դրան դիմակայելու համար: Հետևաբար, հիվանդների մոտ զարգանում է երկարատև իմունիտետ: Այն պահպանվում է նույնիսկ այն բանից հետո, երբ մարդու արյան մեջից անհետանում են հակամարմինները:
Նման եզրակացության են հանգել Nature Medicine ամսագրում հրապարակված գիտական հոդվածի հեղինակները, գրում է vesti.ru-ն: Գիտնականները պարզել են, որ SARS-CoV-2-ով վարակված որոշ պացիենտների մոտ չի առաջացել իմունիտետ, և նրանք կրկին հիվանդանալու ռիսկային գոտում են գտնվում։
Սակայն հիվանդությամբ վարակվածների մեծ մասի մոտ առաջանում են հակամարմինները։ Սակայն դրանց քանակն արյան մեջ հետզհետե նվազում է և արդեն մի քանի ամիս անց ամբողջությամբ անհետանում է։ Ընդհանուր առմամբ, սա միայն ժամանակավոր պաշտպանություն է։
Իսկ ահա պահպանվո՞ւմ են արդյոք T-բջիջների հիշողությունում հակամարմինների մասին տեղեկությունները։ Եթե այո, ապա ինչքան ժամանակով։
Ահա այս հարցն են հետազոտել Nature Medicine հոդվածի հեղինակները։
Նուրբ մեթոդների միջոցով նրանք հայտնաբերել են T-բջիջներ, որոնք պահպանում են հենց SARS-CoV-2 կորոնավիրուսի մասին հիշողությունը, այլ ոչ թե այլ հարուցիչների մասին:
Գիտնականները հետազոտել են առողջացած 20 պացիենտի և նման բջիջներ են հայտնաբերել գրեթե բոլորի մոտ:
Տաթև Ֆռանգյան
