18.11.2024 | 20:30
«Քաղաքական մատաղ»` գալիք ընտրություններին ընդառաջ. ՔՊ-ականները նշում են պաշտոնանկությունների պատճառները․ ՏԵՍԱՆՅՈՒԹ
Ադրբեջանի կողմից միջազգային լրատվամիջոցների վրա ճնշումը մեզ համար անբարենպաստ իրավիճակ ստեղծեց. Բորիս Նավասարդյան. ՏԵՍԱՆՅՈՒԹ
Հասարակություն
18.11.2020 | 12:51
Ադրբեջանը բավականին լուրջ քաղաքական ճնշում էր գործադրում տարբեր պետությունների վրա, որպեսզի իրենց հանրային լրատվամիջոցները ներկա չլինեն պատերազմական գործողությունների ընթացքում Արցախում, և հայտարարել էր, որ այն լրագրողները, որոնք կմեկնեն Արցախ, կհայտնվեն Ադրբեջանի սև ցուցակում: «Միջազգային մամուլը՝ ԼՂ շուրջ ստեղծված նոր իրավիճակի մասին» թեմայով քննարկման ժամանակ այս մասին ասաց Երևանի մամուլի ակումբի նախագահ Բորիս Նավասարդյանը:
«Դա իրական ազդեցություն թողել է, օրինակ՝ գերմանական լրատվամիջոցները հրաժարվում էին գնալ Արցախ՝ պատերազմի ժամանակ: Այդ միտումը կարծես թե կորցրել է իր ուժը, որովհետև այս օրերին տեղի են ունենում այնպիսի գործողություններ, որոնք Ադրբեջանը կցանկանար, որ լուսաբանվեին միջազգային լրատվամիջոցներում, և կարծես թե այդ ճնշումը նվազել է: Սակայն ամեն դեպքում մենք պետք է նկատի ունենանք, որ ընդհանուր ճնշումը լուսաբանման վրա ազդեցություն թողել է և ստեղծել անբերանպաստ տեղեկատվական իրավիճակ Հայաստանի համար:
Երկորդ կարևոր գործոնը Թուրքիայի լրատվամիջոցներն են, որոնք ներգրավված են միջազգային մեդիացանցերում, բիզնես կապեր ունեն առաջատար երկրների լրատվամիջոցների հետ, դա նույնպես որոշակի ազդեցություն թողեց բովանդակության վրա: Այսօր կարելի է ասել, որ մենք կանգնած ենք արդեն իրացված փաստի առջև, և այն խնդիրները, որոնք միգուցե հուզում էին միջազգային հանրությանը՝ հումանիտար աղետը, պատերազմական հանցագործությունները, որոնց մասին այս կամ այն կերպ գրվում է, այսօր մոռացության են ենթարկվում»,- նշեց Նավասարդյանը:
Մանրամասները՝ տեսանյութում:
