23.04.2026 | 20:48
42 հազար դոլարի դիմաց կազմակերպել էին ապօրինի միգրացիա․ քրեական վարույթի նախաքննությունն ավարտվել է
ԿԱՅԾԵՐ. Պատժվում է չլռելու համար. Գևորգ Սաֆարյանի կայծերը
Հասարակություն
31.12.2017 | 17:00
Երկու տարի առաջ` հունվարի 1-ին, մի խումբ մարդիկ՝ համախոհներ, ընկերներ, ընտանիքներով հավաքվել էին Ազատության Հրապարակում՝ Ամանորը տոնելու։ Նրանք ներկայացնում էին «Նոր Հայաստան» ընդդիմադիր շարժումը։ Այդ օրվա հերոսների մի մասն այսօր բանտում է, մյուսը՝ քրեական հետապնդման է ենթարկվում տարբեր մեղադրանքներով, ոմանք էլ ընդհատակ են անցել։
Այդ օրը լուրջ ելույթներ չեղան։ Հարթակ բարձրացողներն ընդամենը քաղաքական անեկդոտներ էին պատմում։ «Նոր Հայաստանի» Ձմեռ Պապ Կարո Եղնուկյանը տոնածառ բերեց։ Բայց Ամանորի զվարճանքը տխուր ավարտ ունեցավ, վերածվեց Տոնածառի քրեական գործի։ 5 անձանց բերման ենթարկեցին։ 4-ին նույն օրը բաց թողեցին։ Գևորգ Սաֆարյանը մինչ օրս անազատության մեջ է։
Գևորգ Սաֆարյանին ճանաչող մարդիկ գտնում են, որ սուր, հիշվող ելույթներն են պատճառը, որ իշխանությունը ընդգծված դաժան վերաբերմունք ունի նրա նկատմամբ։ Գևորգի ընկերները պարբերաբար նրան նամակներ են ուղարկում «Նուբարաշենի» բերդ, իսկ մայրիկը՝ Շուշանիկ Բերբերյանը, սրտատրոփ սպասում է որդու հետ հերթական տեսակցությանը:
Սյուզան Սիմոնյան
