01.11.2024 | 14:29
Լավրովն Ուկրաինայում պատերազմի մեկնարկից ի վեր առաջին անգամ կայցելի ԵՄ անդամ երկիր
Գնամ, էրեխուս ասեմ՝ էլ դու տուն չունես․ Քարվաճառի հայաթափումը շարունակվում է. ՏԵՍԱՆՅՈՒԹ
Հասարակություն
16.11.2020 | 21:05
Հետպատերազմական Արցախում, որը մեծ կորուստներ է կրել, հակասական տրամադրություններ են։ Բնակավայրերը, որոնք մնալու են հայկական, քայլ առ քայլ ընդունում են բնակիչներին։
Պատերազմի սարսափը և մահվան վերահաս վտանգը շատերին էր դարձրել ժամանակավոր գաղթական։ Նրանց ճակատագրին, սակայն, երանի են տալիս այն արցախցիները, որոնց հայրենի գյուղերն առաջիկայում անցնելու են ադրբեջանական հսկողության ներքո։
Թնդանոթների լռությունը Դադիվանք համայնք ևս խաղաղություն է բերել, բայց գյուղը դատարկվում է։ Ընտանիքը, որն ընդունեց Factor TV-ի նկարահանող խմբին, հարկադրված է հավաքել իրերն ու մոտ օրերս լքել 20 տարի շենացրած տունը։
Արցունքը խեղդում է ամուսիններին, ցավից հազիվ են բառերն արտաբերում։ Երևանում թեև բնակարան ունեն, բայց իրենց տունը Քարվաճառում է։
Համագյուղացի Սուրենը «ջրի գնով» վաճառում է կենդանիներին ու ինքն էլ կշտապի Երևան՝ կնոջ և երեխայի մոտ. «Գնամ, երեխայիս ասեմ, որ էլ տուն չունի»։
Մանրամասները՝ տեսանյութում։
Ռոբերտ Անանյան
