Քաղաքականություն
29.12.2017 | 16:29«2017 թվականն ավտորիտար համակարգի լճացման գագաթնակետն էր»,- այսօր լրագրողների հետ հանդիպմանն ասաց «Երկիր Ծիրանի» կուսակցության նախագահ Զարուհի Փոստանջյանը. «Որևիցե փոփոխություն դեպի դրականը մենք չենք արձանագրել, դեռ ավելին հանրային կյանքի բոլոր բնագավառներում արձանագրվել է վիճակի վատթարացում: Ամենակարևոր վատթարացումն էլ այն է, որ ընտրությունների միջոցով մեր երկրում փոփոխություն կատարել հնարավոր չէ»:
Ըստ Փոստանջյանի՝ Խորհրդային Հայաստանն ուներ մեծ կարողություններ, որոնք կօգնեին երկրի զարգացմանը, սակայն դրանք փոշիացվել են. «Մեր քաղաքացիները, շուրջ մեկուկես միլիոն, գաղթեցին երկրից, նրանց ունեցվածքն ապօրինի օտարվեց: Ներգաղթն ապահովելու համար հարկավոր է, որպեսզի փոխվի երկրի քաղաքական կառուցվածքը»:
Անդրադառնալով ԱՄՆ կատարած իր այցին՝ Զարուհի Փոստանջյանը նշեց, որ ամերիկաբնակ հայրենակիցները մեծ ցանկություն ունեն էական մասնակցություն ունենալ ՀՀ քաղաքական կյանքին, և նույնիսկ նրանցից ոմանք իրենց տեսնում են քաղաքական պաշտոններում:
Մանրմասները՝ տեսանյությում:
