19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
Սերգեյ Լավրովը հեռախոսազրույց է ունեցել Զոհրաբ Մնացականյանի հետ
Քաղաքականություն
15.11.2020 | 19:12
ՌԴ ԱԳ նախարար Սերգեյ Լավրովն այսօր հեռախոսազրույց է ունեցել ՀՀ ԱԳ նախարար Զոհրաբ Մնացականյանի հետ, տեղեկանում ենք ՌԴ ԱԳՆ հրապարակած հաղորդագրությունից։
«Նախարարները քննարկել են նոյեմբերի 9-ին Հայաստանի, Ռուսաստանի և Ադրբեջանի ղեկավարների համատեղ հայտարարության կատարման ընթացքը, ներառյալ Ղարաբաղյան հակամարտության գոտում ռուս խաղաղապահների տեղակայման և նրանց կողմից իրենց մանդատի արդյունավետ կատարման ապահովման հետ կապված խնդիրները»,- նշվում է հաղորդագրությունում։
Սերգեյ Լավրովը Զոհրաբ Մնացականյանին մանրամասն ներկայացրել է Ռուսաստանի Դաշնության նախագահի նոյեմբերի 13-ի հրամանագրով ստեղծված Հումանիտար արձագանքման միջգերատեսչական կենտրոնի գործունեության մասին:
Երկու երկրների ԱԳՆ ղեկավարները կարևորել են ՄԱԿ-ի Փախստականների հարցերով գերագույն հանձնակատարի գրասենյակի, ՅՈՒՆԵՍԿՕ-ի, ՄԱԿ-ի Զարգացման ծրագրի, Կարմիր խաչի միջազգային կոմիտեի և այլ միջազգային կազմակերպությունների հետ համագործակցությունը՝ ի նպաստ հակամարտության գոտում քաղաքացիական անձանց վիճակի բարելավման և կրոնական ու մշակութային օբյեկտների պահպանման։
