17.09.2026 | 19:24
Համաշխարհային օլիմպիադա. Շախմատի Հայաստանի հավաքականը երկրորդ հաղթանակը տարավ
Ձերբակալումը հիմնավոր է. Աշոտ Մինասյանը կմնա անազատության մեջ
Հասարակություն
15.11.2020 | 17:16
Երևանի ընդհանուր իրավասության դատարանը որոշում է կայացրել հիմնավոր ճանաչել ազատամարտիկ, «Սիսական» գնդի հրամանատար Աշոտ Մինասյանի ձերբակալումը։ Factor.am-ի հետ զրույցում այս մասին ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը։
«Աշոտ Մինասյանը կմնա անազատության մեջ»,- ասաց Արևիկ Խաչատրյանը:
Նշենք, որ Աշոտ Մինասյանը ձերբակալվել է ՀՀ քրեական օրենսգրքի 35-300-րդ հոդվածի 1-ին մասի՝ իշխանության յուրացման և 35-305-րդ հոդվածի՝ պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման և 235-րդ հոդվածի՝ ապօրինի զենք զինամթերք պահելու կասկածանքով։ Մինասյանի փաստաբան Արամ Վարդևանյանը բողոք էր ներկայացրել ձերբակալման որոշման դեմ։
Հիշեցնենք, որ երեկ, բացի Աշոտ Մինասյանից նույն կասկածանքով ձերբակալվել են ևս հոգի՝ «Հայրենիք» կուսակցության ղեկավար Արթուր Վանեցյանը, ՀՀ ԱԺ նախկին պատգամավոր Վահրամ Բաղդասարյանը, Հայ հեղափոխական դաշնակցության անդամ Ա. Ա.-ն:
